धादिङका कृष्ण शिशिर लायन्स क्लब अफ काठमाण्डौं सुर्यमुखीको अध्यक्षमा चयन

धादिङ,६ जेठ
धादिङका कृष्ण शिशिर(कृष्ण प्रसाद ढकाल) लायन्स क्लब अफ काठमाण्डौ सुर्यमुखीको अध्यक्षमा चयन हुनुभएको छ । शनिवार काठमाण्डौमा सम्पन्न भएको साधारणसभाबाट शिशिर लायन्स बर्ष २०२४–२५ को लागि अध्यक्षमा चयन हुनुभएको छ । अध्यक्षमा चयन भएपछि शिशिरले अब क्लबले गरीब तथा जेहेन्दार विद्यार्थीहरूलाई छात्रवृत्ति प्रदान गर्ने बताउनुभयो । साथै उहाँले सामाजिक सेवामूलक कार्यहरू गर्दै जाने बताउनु भएको छ । लायन्सका माध्यमबाट समाजमा योगदान दिन सकिने देखेर नै क्लवमा आवद्ध भएको बताउनुभयो ।

लायन्स क्लव अफ इन्टरनेशनल डिष्ट्रिक ३२५ आइ का जोन चियर पर्सन केदारनाथ दवाडीको प्रमुख आतिथ्यतामा सम्पन्न साधारणसभाले विक्रम बिस्वकर्मालाई प्रथम र शुस्मा सिलवाललाई द्वितीय उपाध्यक्षमा चयन गरेको छ । इमिडेड पास्ट प्रेसिडेन्ट कविता इटनीको अध्यक्षतामा भएको सभाले सचिवमा सन्ध्या ( तारा) रिजाल, कोषाध्यक्षमा लक्ष्मि किशोर श्रेष्ठ, क्लब एड्मिनिष्ट्रेटरमा सीता माया चोदेन गुरुङ, मेम्वर चियर पर्सनमा गोपाल शर्मा चयन हुनु भएको छ ।

कार्यक्रममालायन्स क्लव अफ इन्टरनेशनल डिष्ट्रिक ३२५ आइ का जोन चियर पर्सन केदारनाथ दवाडीले समाजसेवा, नेतृत्व विकास र भाईचारा सम्वन्धको बिस्तार गर्ने अवसर लायन्सले दिने बताउनुभयो । कार्यक्रममा इमिडेट पास्ट प्रेसिडेन्ट कविता इटनीले नेतृत्व र व्यक्तित्व विकास एवं समाज सेवाका लागि लायन्स क्लव उत्कृष्ट थलो रहेको बताउनु भयो । शिशिर लामो समय देखी सामाजिक र राजनैतिक क्षेत्रमा सक्रिय हुदै आउनु भएको छ । शिशिर हाल राष्ट्रिय लोक नथा दोहोरी गित प्रतिष्ठान नेपाल बाग्मती प्रदेशको प्रथम उपाध्यक्ष,प्रेस युनियन धादिङबाट केन्द्रिय प्रतिनिधि,नेपाल सांस्कृतिक महासंघका केन्द्रिय सदस्य तथा चर्तित कार्यक्रम उद्घोषक पनि हुनुहुन्छ ।