हटाईएका शिक्षक,स्वास्थ्यकर्मी र श्रमिकहरुको पुनस्थापनाको माग

धादिङबेशी । धादिङमा हटाइएका शिक्षक तथा श्रमिकहरु स–सम्मान पुनस्थापनाको माग गर्दै नेपाल ट्रेड युनियन काँग्रेस जिल्ला समिति धादिङले प्रेस बिज्ञप्ती जारी गरेको छ ।

मंगलबार धादिङबेशीमा पत्रकार सम्मेललनको आयोजना गरी रोजगार दाताहरुले श्रमजीविहरुको पारिश्रमिक न्यूनतम दिने गरेको, श्रम गर्नवाट बन्देज गर्ने हटाउने, अपमानित गर्ने गरेको भन्दै त्यस्तो व्यवहार नगर्न नगराउन सम्वद्ध पक्षसँग जोडदार माग गरेको छ । वर्तमान समयमा धादिड जिल्लामा कार्यरत श्रमिकहरुको समस्या देखिएको भन्दै आफुहरुको गम्भीर ध्यानाकर्षण भएको बिज्ञप्तीमा भनिएको छ ।

विशेषगरी विद्यालयमा अध्यापन गराइरहनु भएका शिक्षकहरु र कर्मचारीहरुलाई विभिन्न वहानामा निकालिनु,स्वास्थ्यकर्मीहरु डाक्टरहरु, नर्सहरु तथा अन्य श्रमिक कर्मचारीहरु लगायत विभिन्न कार्यालयहरुमा संलग्न कार्यालय सहयोगीहरुलाई ज्यादै न्यून पारिश्रमिकमा काम गर्न वाध्य बनाएको भन्दै यस विषयलाई बेवास्ता गरि श्रमिकहरुको अपमान गरिएमा नेपाल टेड युनियन कांग्रेस धादिड जस्तोसुकै कदम चाल्न पनि पछि नपर्ने नेपाल ट्रेड युनियन काँग्रेस धादिडका अध्यक्ष ध्रुव प्रसाद रिजालले बताउनु भयो ।

नेपाल ट्रेड युनियन काँग्रेस जिल्ला समिति धादिङले पछिल्लो समय नीलकण्ठ बालमन्दिर मावि र धादिङ अस्पतालमा कार्यरत श्रमिकहरुलाई समस्या भएको पत्रकार सम्मेलनमा जानकारी गराईएको थियो ।