आँखामा हुने समस्या कम गर्न स्वास्थ्य स्वयंसेविकाहरुलाई पुनर्ताजगी तालिम

धादिङ,१२ बैशाख
सामुदायिक महिला स्वास्थ्य स्वयंसेविकाहरुका लागि दुई पुनर्ताजगी तालिम धादिङबेशीमा आजबाट सुरु भएको छ ।तिलगंगा सर्जिकल आँखा केन्द्र धादिङको आयोजना तथा हिमालयन क्याटा¥क्ट प्रोजेक्टको सहयोगमा दुई दिने पुनर्ताजगी तालिम सुरु भएको हो ।
आँखामा हुने समस्या कम गर्ने उदेश्यले सामुदायिक स्वास्थ्य स्वयंमसेविकालाई तालिम प्रदान गरीएको तिलगंगा सर्जिकल आँखा केन्द्र धादिङका प्रमुख सुपेन्द्र तामाङले जानकारी दिनुभयो ।

तालिममा कर्नियामा फुलो परि हुने अन्धोपन रोकथामको उपाय, अन्धोपनका समस्या र यसका समाधान बारे थप उपचार गर्ने, समयमै अन्धोपन निवारणका लागि आवश्यक पर्ने प्रचार प्रसार बारे जानकारी गराइएको थियो ।आँखाको प्राथमिक उपचार नपाएर आँखा नै गुम्ने तथा गम्भीर अवस्थामा अस्पताल पुग्ने दरलाई कम गर्ने र कर्नियामा हुने चोटपटकलाई निवारण गर्नको लागि तालिम संचालन गरिएको प्रशिक्षक बिमल पौडेलले बताउनुभयो। तालिममा नीलकण्ठ नगरपालिका भित्रका ३ जना स्वास्थ्यकर्मी र ३१ जना स्वास्थ्य स्वयंमसेविकाहरु गरी ३४ जनाको सहभागिता रहेको छ ।तिलगंगा आँखा प्रतिष्ठान धादिङले विगत ३ वर्ष देखि महिला स्वास्थ्य स्वयंसेविकाहरुलाई ६/६ महिनामा आँखा सम्बन्धि प्राथमिक उपचार तालिम प्रदान गर्दै आएको छ ।

नेपाल आँखा कार्यक्रम तिलगंगा आँखा प्रतिष्ठानको परियोजना अधिकृत हस्त राईको अध्यक्षतामा सुरु भएको तालिममा धादिङका सहायक प्रमुख जिल्ला अधिकारी हुमनाथ पराजुलीको प्रमुख आतिथ्यता रहेको थियो।धादिङ अस्पतालका निमित्त प्रमुख निर्देशक डा. गगन अधिकारी र जनस्वास्थ्य कार्यालय धादिङका प्रमुख विभु कुमार झाको विषेशआतिथ्यता रहेको थियो । कार्यक्रममा ज्ऋए का कार्यक्रम प्रबन्धक अंशु सिह र कार्यक्रम संयोजक पिंकि कडरिया लगायतको उपस्थिति रहेको थियो ।