निलकण्ठ–६ सुनौलाबजारमा ट्रिपर दुर्घटना हुँदा दुई जना घाइते

धादिङ, २० चैत्र ।
नीलकण्ठ नगरपालिका वडा नं ६ स्थित सुनौला बजारमा ट्रिपर दुर्घटना हुँदा दुई जना घाईते भएका छन् ।

भक्तपुरबाट सुनौला बजारको भैरवी मन्दिर निर्माणका लागी स्लेट ढुङ्ग बोकेर जाँदै गरेको बा ५ खा ५७७३ नम्वरको ट्रिपर कच्चि सडकमा पल्टिदा दुई जना घाइते भएका हुन् ।

घाइते हुनेहरुमा दोलखा भिमेश्वर नगरपालिका–९ बस्ने वर्ष ४२ का नविन तामाङ्ग र नीलकण्ठ नगरपालीका–६ बस्ने वर्ष ३० खिखाबहादुर परियार रहेको जिल्ला प्रहरी कार्यालय धादिङले जनाएको छ ।

घाईतेको जिल्ला अस्पताल धादिङमा उपचार भईरहेको छ । उनिहरुको अवस्था सामान्य रहेको प्रहरीले जनाएको छ ।