हटियामा निर्माण भएको तालिम केन्द्र उद्घाटन गर्न ईन्द्र बानिया धादिङ आउदै

धादिङ,८ चैत
नीलकण्ठ नगरपालिका वडा नम्बर ८ रामकोट हटियामा निर्माण भएको तालिम केन्द्रको उद्घाटन नेपाली काँग्रेसका बागमती प्रदेश सभापति ईन्द्र बानियाले गर्नुहुने छ ।Eternal Hope  संस्थाको सहयोगमा निर्माण गरीएको Acadamy For Skill and Career Education For Nepalese Development   को उद्घाटन गर्न लागिएको हो । तिन करोड रुपैँयामा निर्माण गरिएको उक्त केन्द्रमा विभिन्न सिप मुलक तालिमहरु सन्चालन गरिने वडा अध्यक्ष प्रकाश कुमार श्रेष्ठले जानकारी दिनुभयो । तत्कालको लागि उक्त संस्थाले ३० थान सिलाई कटाई मेसिन सहित ल्यापटप समेत सहयोग गरेको वडा अध्यक्ष श्रेष्ठले जानकारी दिनुभयो । तालिम केन्द्रमा विभिन्न आयमुलक तालिमहरु सन्चालन गरिनेछ। नीलकण्ठ नगरबासीहरुको आवश्यकताको आधारमा तालिम सन्चालन गरिने वडा अध्यक्ष श्रेष्ठले जानकारी दिनुभयो । कार्यक्रम आज बिहान ११ बजेबाट सुरु हुने वडा सदस्य छबि प्रसाद काप्रिले जानकारी दिनुभयो ।