१३ औ मार्पाक प्रमियर लिग फुटसल प्रतियोगिता चैत्र १० गते हुदै

धादिङ, ०३ चेत्र ।
मार्पाक प्रिमियर लिग ( MPL) फुटसल प्रतियोगिताको १३ औ सस्करण चैत्र १० गते शनिबार काठमाण्डौमा हुने भएको छ । नेत्रावती डबजोङ्ग गाउपालिका ब्यापी फुटसल प्रतियोगिता फ्रेन्डस स्टार फुटसल, भत्केकोपुल काठमाण्डौमा बिहान ८ बजेबाट सुरु भएको हो ।

गाउँपालिका भित्रका ५ वटै वडाका टिमहरुले सहभागिता जनाउन सक्ने प्रतियोगिताको बिजेताले नगद रु १५ हजार, ट्रफी, मेडल र प्रमाणपत्र साथै उपबिजेताले नगद रु ७ हजार, मेडल र प्रमाणपत्र प्राप्त गर्ने छ । त्यसैगरि उत्कृष्ठ गोलकिपर, फरवार्ड र डिफेन्सलाई नगद सहित मेडल र प्रमाणपत्र प्रदान गरिने आयोजकले जनाएको छ ।

दर्ता शुल्क रु १५०० र फिर्ता हुने डिपोजिट रु ५०० गरि कुल २००० बुझाउनपर्ने प्रतियोगितामा सहभागी हुने टिमले खेलाडीहरुको नागरिकताको फोटोकपी वा परिचय खुल्ने प्रमाणपत्रको फोटोकपी सहित चैत्र ०५ गते बेलुका ५ बजेसम्म दर्ता शुल्क बुझाईसक्नुपर्ने आयोजकले जानकारी दिनुभयो।

ANFA रेफ्रि द्वारा लिग कम नक आउटको आधारमा संचालन गरिने प्रतियोगिताको आयोजक मार्पाक भेट्रान्स फुटसल टिम र सह–आयोजक मार्पाक सामुदायिक क्लब (CCM) रहेको छ ।

साथै टिभी पार्टनरमा दिब्यदर्शन टेलिभिजन,एफ एम पार्टनरमा निलकण्ठ एफ.एम. साथै अनलाईन मिडिया पार्टनरहरुमा जन अपडेट, धादिङ्ग सन्चार, धादिङ्ग पोष्ट र भिजन न्युज नेपाल रहेको लिग संयोजक फणिन्द्र गुरुङ्गले जानकारी दिनुभयो ।