ग्रामीण यातायात सहकारी संस्थाद्धारा मृतक रामशरण भुजेलको परिवारलाई नगद सहयोग

धादिङ, ०३ चैत्र ।
ग्रामीण यातायात सहकारी संस्था लिमिटेडले मृतक रामशरण भुजेलको परिवारलाई नगद सहयोग गरेको छ । आज संस्थाका महासचिव बद्री सुवेदीले भुजेलको परिवारलाइ नगद सहयोग हस्तान्तरण गर्नुभएको हो ।

ग्रामीण यातायात सहकारी संस्था लिमिटेड, धादिङ मण्डली यातायात प्रा लि र व्यवसायीहरुबाट संकलन गरिएको ३८ हजार २४० रुपैयाँ नगद सहयोग गरेको संस्थाका महासचिव बद्री सुवेदीले जानकारी दिनुभयो ।

ग्रामीण यातायात सहकारी संस्था लिमिटेडद्धारा संचालित सवारी साधनमा लामो समय सम्म इमान्दारिका साथ काम गर्दै आएका ज्वालमुखी गाउँपालिका वडा नं ४ घर भएका रामशरण भुजेलको फागुन २८ गते असामयिक निधन भएको थियो ।

मृतक प्रति श्रद्धाञ्जली अर्पण गर्दै शोक सन्तप्त परिवारजनमा धैर्यधारण गर्ने शक्तिको कामना गर्दै संस्थाका महासचिव बद्री सुवेदीले राहत रकम ३८ हजार २४० रुपैयाँ परिवारलाई हस्तान्तरण गर्नुभएको हो ।