धादिङमा वन डढेलो सचेतना सप्ताह सुरु

धादिङबेशी । धादिङमा वन डढेलो सचेतना सप्ताह आजदेखि सुरु गरिएको छ । वनलाई डढेलोबाट जागाऔँ, जैविक विविधताको संरक्षण गरौँ भन्ने नाराका साथ डिभिजन वन कार्यालय धादिङको संयोजन तथा १३ वटै स्थानिय तह, प्रत्रकार महांसघ, सामुदायिक वन उपभोक्ता समितिहरुको सहकार्यमा सचेतना सप्ताह आजदेखि सुरु गएिको हो ।

वन डढेलोबाट हुने जन, धन र वनको क्षति न्यूनीकरण गर्नका लागि चैत्र १ गतेदेखि ७ गतेसम्म “वन डढेलो सचेतना सप्ताह” कार्यक्रम सुरू गरिएको डिभिजन वन कार्यालय धादिङका प्रमुख विष्णु प्रसाद आर्चायले बताउनुभयो । सप्ताहव्यापी कार्यक्रम अन्तर्गत सुख्खायाम शुरु भएसंगै लाग्ने वन डढेलो नियन्त्रण गर्दा अपनाउनु पर्ने सावधानि, वन डढेलो नियन्त्रण गर्ने औजारको प्रयोग र विधि लगायतको विषयमा नमुना अभ्यास गरिएको थियो ।

नीलकण्ठ नगरपालिका वडा नं २ बसाह स्थित डुडेपाखा सामुदायिक वनमा गरिएको नमुना अभ्यासमा सडक छेउछाउको पातपतिङ्गर हटाउने, सरसफाई गर्ने अग्नि रेखा निमार्ण , डेमो गराउने, पातपतिङ्गरहरू हटाउने तथा जलाउने लगायतका कार्य गरिएको छ ।

हरित दस्ता माधव राज अधिकारीले वन डढेलो नियन्त्रणको विविध पक्षहरुको बारेमा कार्यक्रममा प्रकास पार्नु भएको थियो । उहाँले वन डढेलो लाग्नुको कारण, यसबाट हुने क्षति, वन डढेलो नियन्त्रणको क्रममा अपनाउनु पर्ने सजकता तथा वन डढेलो नियन्त्रणमा प्रयोग गरिने औजारको बारेमा बिस्तृत रुपमा जानकारी गराउनु भएको थियो ।