सिद्धलेकको खानेपानी,शिक्षा र सडक निर्माणमा सहयोग गरेको छुः मेयर ढुंगाना

धादिङ,२६ फागुन
सिद्धलेक गाउँपालिकामा रहेको सिद्धबाबा मन्दिरको विकासमा सबैले सहयोग गर्नुपर्ने नेपाल नगरपालिका संघका केन्द्रिय अध्यक्ष एवं नीलकण्ठ नगरपालिकाका मेयर भीम प्रसाद ढुंगानाले बताउनुभएको छ ।सिद्धबाबा मन्दिर सिद्धलेक गाउँपालिकाको मात्र नभएर जिल्लाको धार्मिक धरोहर भएको भन्दै छिमेकी स्थानीय सरकारले पनि सहयोग गर्नुपर्ने बताउनुभयो। कार्यक्रमका प्रमुख अतिथी समेत रहनुभएको मेयर ढुंगानाले सिद्धलेक गाउँपालिकाको विकासमा आफुले सक्दो सहयोग गर्ने प्रतिबद्धता व्यक्त गर्नुभएको छ ।

सिद्धलेक गाउँपालिकाको विकासको लागि आफु कुन मन्त्रालय जानुपर्ने हो,कुन दातृ निकायसँग भेट्नुपर्ने हो आफु सँगै जान तयार रहेको भन्दै सिद्धबाबा मन्दिरको निर्माण र प्रचार प्रसारको लागि आफुले सहयोग गर्ने बताउनुभयो।सिद्धलेक गाउँपालिकासँग भावनात्मक सम्बन्ध रहेको भन्दै उहाँले आफुले सिद्धलेकको कुम्पुर,सलाङ र नलाङमा विगतदेखीनै खानेपानी,शिक्षा,स्वास्थ्य लगायतको क्षेत्रमा करोडौँ को विकास निर्माणको काम गरेको बताउनुभयो ।आफु यहाँको जनप्रतिनिधि नभएपनी दातृ संस्था मार्फत विगत देखीनै सिद्धलेकमा खानेपानी र सडक निर्माणमा सहयोग गरीरहेको बताउनुभयो।चौथो सिद्धलेक धार्मिक पर्यटन तथा साँस्कृतिक महोत्सव उद्घाटन समारोहलाई सम्बोधन गर्दै उहाँले सिद्धलेक गाउँपालिकाबाट अरु स्थानीय सरकारले पनि केहि कुरा सिक्नुपर्ने बताउनुभयो ।

स्वमुल्यांकन र कार्य सम्मापदनमा मन्त्रालयले गरेको मुल्यांकनमा उत्कृष्ट बन्न सफल भएको भन्दै मेयर ढुंगानाले मिलेर सिद्धलेकको विकासमा ध्यान दिन जनप्रतिनिधिहरुलाई आग्रह गर्नुभएको छ। जिल्लाकै ऐतिहासिक धार्मिक तथा पर्यटन स्थल धादिङ्गको सिद्धलेक गाँउपालिकाभित्र पर्ने साविकको नलाङ्ग र सलाङ्ग (हाल वडा नं २, ३ र ४) को सिमानामा अवस्थित सिद्धलेक तथा ढेवा डाँडामा हरेक बर्ष महाशिवरात्रीमा मेला लाग्ने गर्दछ ।आन्तरिक तथा बाह्य पर्यटन प्रवद्र्धनका लागि सिद्धलेक ढेवाडाँडा समाज नेपालले गाउँपालिकाको समन्वयमा विगत केही बर्षदेखी सिद्धलेक धार्मिक पर्यटन तथा साँस्कृतिक महोत्सवको आयोजना गर्दै आएको छ ।

महोत्सवमा राष्ट्रिय कलाकार चर्चित लोक गायक राम्जी खाँड, लोक गायीका सम्झना भण्डारी, र कुशल बेलबासे, बिन्दा परियार, प्रदिप बराईली, टिका भुजेल, मिलन विश्वकर्मा, प्रवेश श्रेष्ठ लगायत स्थानीय कलाकारहरुको समेत प्रस्तुती रहेको थियो ।