फ्याक्सेमा संचालित प्रथम वडा अध्यक्ष कप भलिबल प्रतियोगिता सकियो, उपाधी नेत्रावतीले जित्यो

दिवाकर लम्साल ।
धादिङबेशी । श्री चमेरे गुफा युवा क्वलद्धारा आयोजित प्रथम वडा अध्यक्ष कपको उपाधि नेत्रावती डवजोङले जित्न सफल भएको छ । आज भएको फाईनल खेलमा डबल एप्पल मुस्ताङलाई हराउँदै नेत्रावती डवजोङले १ लाख १ हजार १ सय ११ रुपैयाको रासी सहितको उपाधि जित्न सफल भएको हो ।

प्रतियोगितामा उप बिजेता बनेको डबल एप्पल मुस्ताङले ५० हजार पांच सय पचपन्न रुपैया हासिल गरेको छ । संस्थाको अध्यक्ष क्षितिज श्रेष्ठको सभापतित्वमा सम्पन्न प्रतियोगिताको समापन समारोहमा जिल्ला समन्वय समितिका प्रमुख नमराज अधिकरीको प्रमुख आथिथ्यता तथा नेकपा माओवादी केन्द्र धादिङका संयोजक मनराज भण्डारीको बिशेष आतिथ्यता रहेको थियो ।

प्रतियोगितामा नवीन महतोले उत्कृष्ट खेलाडीका उपाधि पाएका थिए । उत्कृष्ट खेलाडीलाई पाँच हजार रुपयाँ रासी सहित मेडल प्रमाणपत्र प्रदान गरिएको थियो । खेललाई नीलकण्ठ नगरपालिका वडा न ५ ले प्रायोजन गरेको थियो ।