मापदण्ड विपरितका सवारी साधनलाई नियन्त्रण गरि कानुन संवत यातायात संचालनमा निगरानी गरिदिन प्रहरी प्रमुख समक्ष अध्यक्ष अधिकारीको आग्रह

धादिङबेशी । धादिङ धादिङ मण्डली यातायात प्रालीका अध्यक्ष शरद अधिकारीले धादिङ जिल्लाका नव आगन्तुक प्रहरी प्रमुख गौत्तम कुमार केसी समक्ष मापदण्ड विपरितका सवारी साधनलाई नियन्त्रण गरि कानुन संवत यातायात संचालनमा निगरानी गरिदिन आग्रह गर्नु भएको छ ।

आज धादिङ मण्डली यातायात प्रा.ली.ले धादिङबेशीमा आयोजना गरेको यातायात ब्यवसायी संग प्रहरी प्रमुखको परिचयात्मक तथा स्वागत कार्यक्रममा संम्बोधनको क्रममा सो कुरा बताउनु भएको हो ।

मापदण्ड विपरितका सवारी साधानहरुले यात्रु ओसार -पोसार गरिदिँदा बस ब्यवसायीहरु धारासाहि हुने अवस्था पुगेको भन्दै उहाँले आफुहरु पनि कानुनको पालना गर्ने र अरुलाई कानुन संम्वत संचालन गराईदिन बिशेष आग्रह गर्नु भएको थियो ।

अधिकारीले नियम विपरितका सवारी साधन संचालन गर्दा दुर्घटना बढ्ने भएकोले यातायात संचालन गर्दा राज्यले निदृष्ट गरेको कानुनलाई कार्यन्वयन गराउन यातायात ब्यवसुायीहरुले प्रहरी समक्ष अनुरोध गरेका हुन् । अध्यक्ष अधिकारीले कानुन कार्वान्वयन गर्ने काममा प्रहरी लाग्नु पर्ने भन्दै त्यसको लागि यातायात व्यवसायीले कानुन कार्यान्वयनमा आवश्यक सहयोग गर्ने समेत प्रतिवद्धता ब्यक्त गर्नु भएको थियो ।

सोहि समारोहलाई सम्बोधनका क्रममा जिल्ला प्रहरी कार्यालय धादिङका प्रमुख प्रहरी उपरीक्षक गौतम कुमार के.सीले धादिङ मण्डली यातायात प्रा.ली.का अध्यक्ष शरद अधिकारिले राख्नु भएको धारणा प्रति आफुले गम्भीर रुपमा लिएको भन्दै कानुन कार्यान्वयन आफुहरु सहकार्य गरेर अगाडि बढ्ने बताउनुभएको छ ।