सिद्धलेक – १ स्थित ज्ञानडाँडामा बुद्ध बिहार निर्माण

धादिङबेशी । सिद्धलेक गाउँपालिका वडा नम्बर १ स्थित ज्ञानडाँडामा बुद्ध बिहारको उद्घाटन गरीएको छ । शनिवार एक कार्यक्रमका बीच गाउँपालिकाका अध्यक्ष परशुराम खतिवडाले उद्घाटन गर्नुभएको हो ।

सिद्धलेक शाक्य समाजका अध्यक्ष बुद्धिमान शाक्यको अध्यक्षतामा सम्पन्न भएको कार्यक्रममा गाउँपालिकाका अध्यक्ष परशुराम खतिवडालको प्रमुख आतिथ्यता रहेको थियो ।

कार्यक्रममा बेनिघाट रोराङ गाउँपालिकाका अध्यक्ष कृष्णप्रसाद थपलिया बिबेक,राष्ट्रिय भुमी आयोग अध्यक्ष कृष्ण प्रसाद अर्याल, सिद्धलेक गाउँपालिकाका उपाध्यक्ष सविता अर्यालको विशेष आतिथ्यता रहेको थियो । कार्यक्रममा वडा नम्बर १ का वडा अध्यक्ष पेमा लामा,वडा नम्बर ३ का वडा अध्यक्ष देव बहादुर पुलामी,वडा नम्बर ६ का वडा अध्यक्ष सुरेन्द्र मगर लगायतको आतिथ्यता रहेको थियो ।

बुद्ध बिहारको उद्घाटन समारोहलाई सम्बोधन गर्नुहुदै गाउँ पालिकाका अध्यक्ष परशुराम खतिवडाले उज्यालो सिद्धलेक र समृद्ध सिद्धलेकबासी बनाउने अभियान अनुसार नै काम भईरहेको बताउनुभयो ।

कार्यक्रमको अवसरमा बुद्ध बिहार निर्माणमा सहयोग गर्नुहुने दाताहरुलाई सम्मान समेत गरिएको थियो ।