अन्नपुर्ण आधारभुत विद्यालयमा शैक्षिक सामग्री वितरण

धादिङबेशी । किवानिज क्लव अफ वुढानिलकण्ठ, काठ्माण्डौं र लाईनस क्लव अफ काठमाण्डौं अटल पिङ्गलास्थान र लियो क्लव अफ काठमाण्डौं अटलपिङ्गला स्थानको सहयोगमा नीलकण्ठ नगरपालिका वडा नं. २ तीनघरे स्थित अन्नपुर्ण आधारभुत विधालयका ७२ जना विधार्थीहरुलाई शैक्षिक सामग्री तथा खेलकुदका सामग्री वितरणा भएको छ ।

किवानिज क्लव अफ बढानीलकण्ठका अध्यक्ष सिमोन केसीको अध्यक्षता तथा नीलकण्ठ नगरपालिका वडा नं. २ का वडा अध्यक्ष ध्वजबहादुर गुरुङको प्रमुख आतित्थ्यतामा एक कार्यक्रमको विच उक्त शैक्षिक सामग्रीको साथमा विधार्थीहरुलाई नियमित रुपम दाँत माझ्ने र हात धुनु पर्ने कुरामा जागरण पैदा गर्न व्रस, मन्जन, र सावन समेत वितरण गरिएको हो ।

नेपाल हृदयरोग निवारण प्रतिष्ठान जिल्ला शाखा धादिङको संयोजनमा उक्त विद्यालय छनोट गरी समग्री वितरण गरिएको र आगामी दिनमा जन्मजात हुने मुटुरोग र वाल मुटुमा हुने रोगको बारेमा परिक्षण शिविर राख्ने सभापति राजकुमार श्रेष्ठले जानकारी गराउनु भयो ।