सामाजिक सुरक्षा भत्ता वितरणको लागि खाल्टेको टोलटोलमा गएर खाता खोलिदै

धादिङ,२७ माघ
नीलकण्ठ नगरपालिका वडा नम्बर ५ मा सामाजिक सुरक्षा भत्ता वितरणको लागि बैंक खाता खोल्ने कार्य सम्पन्न भएको छ । वडा नम्बर ५ का वडा अध्यक्ष रामकुमार श्रेष्ठको नेतृत्वमा बृद्ध भत्ता वितरणको लागि खाता खोल्ने कार्य सम्पन्न भएको हो । सामाजिक सुरक्षा वितरणको लागि बैंक परिवर्तन भएसँगै खाता खोल्ने काम सम्पन्न गरीएको वडा अध्यक्ष श्रेष्ठले बताउनुभयो । माघ २६ र २७ गतेगरी ४६५ जनाको खाताा खोल्ने कार्य सम्पन्न भएको हो । बाँकि रहेकाहरुले २८ र २९ गते वडामा आएर खोल्न सकिने पनि अध्यक्ष श्रेष्ठले नीलकण्ठ एफएमलाई जानकारी दिनुभयो । वडाबाट वडा कार्यालय,पतेनी श्रीमलटोल,देउराली र सेलडाँडामा गएर खाता खोलिएको हो । नेपाल एसबीआई  बैंकबाट खाता खोल्ने काम सम्पन्न भएपछि फागुन दोस्रो हप्ता भित्र सामाजिक सुरक्षा वितरण गरिने वडा अध्यक्ष श्रेष्ठले बताउनुभयो ।