धादिङमा दादुरा–रुबेला रोग विरुद्धको खोप अभियान संचालन हुँदै

धादिङ,२६ माघ ।
धादिङमा दादुरा–रुबेला रोग विरुद्धको खोप अभियान संचालन गरिने भएको छ । ९ महिनादेखि ५ वर्ष मुनिका सम्पुर्ण बालबालिकाहरुलाई दादुरा रुबेला रोग विरुद्धको खोप अभियान दुइ चरणमा संचालन गर्न लागिएको स्वास्थ्य कार्यालय धादिङले जानकारी दिएको छ ।

शुक्रबार जिल्लास्तरीय खोप समन्वय समितिका अध्यक्ष तथा जिल्ला समन्वय समितिका प्रमुख नवराज अधिकारीेको अध्यक्षतामा बसेको बैठकले दुई चरणमा खोप अभियान संचालन गरिने भएको स्वास्थ्य कार्यालय धादिङका निमित्त प्रमुख विभु कुमार झा ले बताउनुभयो ।

पहिलो चरणको खोप अभियान फागुन १३ गतेदेखि १९ गतेसम्म र दोस्रो चरणको अभियान फागनु २१ गतेदेखि २७ गतेसम्मसंचालन हुने झा ले जानकारी दिनुभयो ।

झाका अनुसार पहिलो चरणको खोप अभियान धुनिबेसी न.पा, खानियाबास, गंगाजमुना, त्रिपुरासुन्दरी, गजुरी, गल्छी, बेनिघाट रोराङ र थाक्रे गा.पा. मा हुनेछ भने दोस्रो चरणको अभियान निलकण्ठ न.पा., ज्वालामुखी, सिद्धलेक र नेत्रावती डबजोङ गा.पा. मा संचालन हुनेछ ।

यो अभियान अन्तर्गत यसअघि नियमित खोप लगाएका वा छुटेका सबै बालबालिकालाई यो खोप लगाइनेछ ।