कालिदेवी माविको ६० औँ वार्षिक उत्सव,अभिभावक भेला तथा नवनिर्मित भवन उद्धघाटन

धादिङबेशी । सिद्धलेक गाउँपालिका वडा नं ४ आरुबासमा रहेको कालिदेवि माध्यामिक विद्यालयको ६० औँ वार्षिक उत्सव कार्यक्रम, अभिभावक भेला तथा नवनिर्मित भवन उद्धघाटन कार्यक्रम सम्पन्न भएको छ ।

राष्ट्रपति शैक्षिक सुधार कार्यक्रम मार्फत ५५ लाखको लागतमा निमार्ण सम्पन्न भएको ४ कोठे भवनको कार्यक्रमको प्रमुख अतिथि तथा सिद्धलेक गाउँपालिकाका अध्यक्ष परशुराम खतिवडाले उद्घाटन गर्नु भएको हो विद्यालय व्यवस्थापन समितिका अध्यक्ष खिल प्रसाद त्रिपाठीको सभापतित्व सम्पन्न कार्यक्रममा सिद्धललेक गाउँपालिकाका अध्यक्ष परशुराम खतिवडाको प्रमुख आतिथ्यता तथा उपाध्यक्ष सविता अर्यालको बिशेष आतिथ्यतामा रहेको थियो ।

कार्यक्रमको अवसर पारेर खेलकुद सप्ताहमा बिजयी बिद्यार्थीहरुलाई मेडल तथा पुरस्कार बितरण समेत गरिएको थियो । कार्यक्रमलाई सम्बोधन गर्नुहुँदै गाउँपालिकाका अध्यक्ष परशुराम खतिवडाले बिद्यालयको शैक्षिक सुधारका निम्ती आफु प्रतिबद्ध भएर कार्य सम्पादन गरिरहेको बताउनु भयो । उहाँले सो बिद्यालयको शैक्षिक गुणस्तरका अभिवृद्धि गर्न आवश्यक सहयोग गर्न आफु तयार रहेको समेत बताउनु भएको थियो ।

कार्यक्रममा उपस्थित अतिथिज्यूहरुले बिद्यालयको शैक्षिक उन्नयनका निम्ति शुभकामना प्रकट गर्नु भएको बिद्यालयका अतिरिक्त क्रियाकलाप संयोजक प्रतिभा अर्यालले बताउनु भयो ।