नेकोस धादिङ प्रथम अन्तर मा.वि. भलिबल कप आजदेखि सुरु

धादिङबेशी । नेकोस धादिङ प्रथम अन्तर माध्यामिक विद्यालय भलिबल कप २०८० आज देखि सुरु भएको छ । नेपाल खेलकुद महासंघ जिल्ला कमिटि धादिङको आयोजनामा धादिङबेसी विचबजार स्थित कभर्ड हल परिसरमा आजदेखि सुरु भएको हो ।

नेपाल खेलकुद महासंघ जिल्ला कमिटि धादिङका अध्यक्ष मदन खड्काको सभापतित्वमा भएको उद्धघाटन कार्यक्रममा नेपाल खेलकुद महासंघका केन्द्रिय अध्यक्ष परशुराम बस्नेतको प्रमुख आतिथ्य तथा एमालेका नेता भुमी त्रिपाठी, खेम लोहनी र जानुका सिंखडाको बिशेष आतिथ्यता रहेको थियो ।

भलिबल प्रतियोगितामा सरकारी र निजि गरी कुल १४ वटा माध्यामिक विद्यालयको सहभागिता रहेको छ । जिल्लामा रहेका विद्यार्थी तथा युवाहरुलाई खेलका माध्यमबाट राष्ट्रिय स्तरसम्म परिचित गराउनुका साथै व्यवसायिक खेलाडी उत्पादनका लागि प्रोत्साहन गर्ने उद्धेश्यले भलिबल कप आयोजना गरेको नेकोस धादिङका अध्यक्ष मदन खड्काले जानकारी दिनुभयो ।

प्रतियोगितामा प्रथम, द्धितिय, तृतिय र सान्त्वना हुने क्रमश ५० हजार, ३० हजार, १५ हजार र ५ हजार नगद सहित ट्रफी मेडल र प्रमाण पत्र प्रदान गरिने छ । त्यसैगरी उत्कृष्ट खेलाडी, स्पाइकर, सेटर, सर्भिस, मिडल ब्लकर, डिफेन्डर र बेष्ट कोचलाई मेडल र प्रमाण पत्र प्रदान गरिनुका साथै सहभागि सम्पुर्ण विद्यालयलाई प्रमाण पत्र प्रदान गरिने छ ।

खेलकुद विकासका लागि स्थानिय तह देखि केन्द्र सम्म भौतिक पुर्वाधार, व्यवसायिक र प्रतिस्पर्धी खेलकुद गतिविधि हाम्रो आधार भन्ने मुल नाराका साथ आजदेखि सुरु भएको प्रतियोगिता माघ १ गतेसम्म संचालन हुने छ ।