भुवनेश्वरी मा.विको ६५ औँ वार्षिक उत्सव कार्यक्रम सम्पन्न

धादिङ, १४ पौष ।
ज्वालामुखी गाउँपालिका वडा नं ७ मा रहेको भुवनेश्वरी माध्यामिक विद्यालयको ६५ औँ वार्षिक उत्सव कार्यक्रम सम्पन्न भएको छ ।

बिहीबार विद्यालय व्यवस्थापन समितिका अध्यक्ष अरुण प्रसाद लोहनीको अध्यक्षता तथा ज्वालामुखी गाउँपालिकाका अध्यक्ष यमनाथ दनैको प्रमुख आतिथ्यता र उपाध्यक्ष धर्म बहादुर अर्याल, शिक्षा शाखा प्रमुख देवकी सिंखडा, ७ नं का वडा अध्यक्ष ज्ञानेन्द्र प्रसाद खकुरालको विषेश आतिथ्यतामा वार्षिक उत्सव कार्यक्रम सम्पन्न भएको हो ।

कार्यक्रममा पुर्व विद्यालय व्यवस्थापन समितिका अध्यक्ष वेद भक्त इटनी, पुर्व शिक्षक अभिभावक संघका अध्यक्ष गोविन्द प्रसाद सिलवाल, एस.इ.इ २०७९ मा उत्कृष्ट नतिजा ल्याउने छात्रा सम्पदा इटनी र छात्र पावल तामाङ र पुर्व शिक्षक ३ जनालाई सम्मान गरिएको थियो ।

त्यसैगरी अक्षय कोष दाताहरु ६ जना, स्वच्छ खानेपानी व्यवस्थापन गरे वापत रोटरी क्लब अफ नारायणगढ, wine to water Nepal र  नवनिर्मित सरस्वती मन्दिरमा गजुर र मुर्ति स्थापना गर्ने २ जना गरी  १७ जनालाई सम्मान गरिएको विद्यालयका प्रधानाध्यापक राजाराम इटनीले नीलकण्ठ एफ.एमलाई जानकारी दिनुभयो ।

कार्यक्रममा विद्यालयका प्रधानाध्यापक राजाराम इटनीले विद्यालयको शैक्षिक, भौतिक, आर्थिक प्रतिवेदन प्रस्तुत गर्नुभएको थियो ।