नेत्रावतीमा जनप्रतिनिधी, कर्मचारी र उपभोक्ता समितीका पदाधिकारीहरुकालागि अभिमुखीकरण

धादिङबेशी । धादिङको नेत्रावती डबजोङ गाउँपालिकामा जनप्रतिनिधी, कर्मचारी र उपभोक्ता समितीका पदाधिकारीहरुका लागि १ दिने क्षमता अभिवृद्धि अभिमुखीकरण कार्यक्रम सम्पन्न भएको छ ।

५ वटै वडामा भएको क्षमता अभिवृद्धि अभिमुखिकरण कार्यक्रम बुधबार सम्पन्न भएको हो । गाउँपालिकाका अध्यक्ष मेघनाथ रिजाल,उपाध्यक्ष सितामाया चोदेन,प्रमुख प्रशासकीय अधिकृत हरेराम शाह बिशेष उपस्थितिमा अभिमुखिकरण कार्यक्रम सम्पन्न भएको छ ।

अभिमुखिकरण कार्यक्रममा योजना कार्यान्वयन प्रकृया,सामग्री खरिद,स्थानीय बिकास ऐन तथा कानुन, उपभोक्ता समितीको प्रकार, भविष्यमा पर्न सक्ने चुनौतीको बारेमा सहजीकरण गरिएको थियो ।