मेलमिलाप तालिममा सिकेका कुरा ब्यवहारमा उतार्न गाउँपालिकाका उपाध्यक्ष फे लामा तामाङको आग्रह

धादिङबेशी । रुवीभ्याली गाउँपालिकाका उपाध्यक्ष फे लामा तामाङले मेलमिलाप सम्बन्धी (४८ घण्टे) आधारभूत तालिममा सिकेका कुराहरुलाई ब्यवहारमा उर्तान सहभागीहरुलाई आग्रह गर्नु भएको छ ।

रुवीभ्याली गाउँपालिका द्धारा आयोजित मेलमिलाप सम्बन्धी (४८ घण्टे) आधारभूत तालिमको आज समापन समारोहलाई सम्बोधन गर्नुहुदै उपाध्यक्ष लामाले सो कुरा बताउनु भएको हो । उहाँले सम्बोधन कै क्रममा रुवीभ्याली गाउँपालिकाको समाजमा लुकेर बसेका घटनाहरुलाई बाहिर ल्याउन टोल टोलमा गएर सचेतनामुलक कार्यक्रमहरु गर्न आवश्यक रहेकोले सचेतना अभिवृििद्धमा जोड दिन मेलमिलाप कर्ताहरुलाई आग्रह गर्नु भएको छ ।

धादिङबेशी स्थित आरके होटलमा मंसिर ६ गते देखि सुरु भएको तालिममा रुवीभ्याली गाउँपालिकाको ६ वटै वडाका २४ जनाको सहभागिता रहेको थियो । तालिममा मेलमिलापमा आवश्यक सिपहरु, सहजीकरण सीपहरु, कानुनी तथा न्यायिक पक्षहरु, मानव अधिकार, विवाद समाधानका तरिकाहरु, स्थानीय तहमा न्यायिक अधिकारको प्रयोग, मेलमिलाप सम्बन्धी ऐन र नियामावली, मेलमिलापकर्ताको भुमिका र दायित्वहरु, मेलमिलापमा प्रसंशनिय दृष्टिकोणको परिचय, बहुसरोकार रहेको विवाद मेलमिलाप लगायतका विषयमा जानकारी गराइएको थियो । तालिममा महेन्द्र लम्साल, बन्धुराज पौडेल र कविता अधिकारीले सहजिकरण गर्नुभएको थियो ।
मेलमिलाप सम्बन्धि तालिम लिएपछि गाउँ टोलमा भएका विवादहरुलाई समाधान गर्न सक्षम भएको रुवीभ्याली गाउँपालिका वडा नं ५ कि धनमाया तामाङ बताउनु भएको छ ।

त्यसैगरी सामाज भएका विवादहरुमा पहिला परम्परागत र दबाब मुलक थियो भने तालिम लिएपश्चात दुबै पक्षको मनाशायलाइ बुझेर मात्र निर्णय गर्नुपर्छ भन्ने सिकाइ भएको बिमल तामाङको भनाई छ ।

गाउँपालिकाका उपाध्यक्ष फेलामा तामाङको सभापतित्वमा भएको तालिमको समापन समारोहमा वडा नं १ का अध्यक्ष पम्बर तामाङ, वडा नं ३ का फेदोर्जे तामाङ, वडा नं ६ का वडा अध्यक्ष समिर गुरुङ लगायतको आतिथ्यता रहको थियो ।