सल्यानटारमा भएको मोटरसाईकल दुर्घटनामा एक जनाको मृत्यु  

धादिङ,२२ कार्तिक

धादिङको त्रिपुरासुन्दरी गाउँपालिका सल्यान्टारमा मंगलबार राति मोटरसाइकल दुर्घटनामा हुँदा एक जनाको मृत्यु भएको छ । दुर्घटनामा परी अर्का एक जना घाईते भएका छन् ।

बा ५० प ७१३८ सिभिआर होण्डा बाइक रोकिराखेको ना६त २७५८ नम्बरको ट्याक्टरमा ठोक्किदा त्रिपुरासुन्दरी गाउँपालिका वडा नम्बर १ बस्ने रोशन परियारको उपचारको क्रममा मृत्यु भएको हो । दुर्घटनामा परी मोटरसाइकल चालक सन्दीप श्रेष्ठ घाइते भएका छन् ।

बगैँचा स्थित गाउँपालिका कार्यालय नजिकै बेलगाउँचोकमा भएको दुर्घटनामा परी गम्भीर घाईते वडा नं. १ रानीपौवाका २२ वर्षीय रोशन परियारको उपचारको क्रममा मंगलबार राती मृत्यु भएको हो । मोटरसाइकल चालक सन्दीप श्रेष्ठको  उपचार भईरहेको जिल्ला प्रहरी कार्यालय धादिङले जानकारी दिएको छ । श्रेष्ठको हात र खुट्टामा चोट लागेको छ ।