नेपाली काँग्रेस धादिङद्धारा भुकम्प प्रभावितहरुलाई आर्थिक सहयोग

धादिङ,२१ कात्तिक ।
नेपाली काँग्रेस धादिङले जाजरकोट र रुकुमपश्चिम लगायतका जिल्लाका भूकम्प प्रभावितका लागि प्रधानमन्त्री दैवी प्रकोप उद्धार कोषमा १ लाख ५१ हजार रुपैयाँ जम्मा गरेको छ ।

गत शनिबार सम्पन्न नेपाली कांग्रेस धादिङको प्रथम जिल्ला सम्मेलनबाट संकलित रकम र जिल्ला कार्यसमितिबाट थप गरिएको रकम आज (मंगलबार) कोषमा जम्मा गरिएको काँग्रेस धादिङका सचिव विकास श्रेष्ठले जनाकारी दिनुभयो ।

भुकम्प प्रभावितहरुलाइ उद्धार, उपचार र राहतमा केही सहयोग पुगोस भन्ने उश्यले राहत स्वरुप आर्थिक सहयोग गरेको श्रेष्ठले बताउनुभयो ।

शुक्रबार राति जाजरकोट केन्द्रबिन्दु बनाएर गएको भूकम्पमा परी १५७ जनाको मृत्यु भएको छ भने १६५ जना घाईते भएका छन् ।