टी–२० विश्वकप क्रिकेट छनोटको फाईनलको खेल आज

काठमाण्डौँ,१९ कार्तिक

आईसीसी टी–२० विश्व कप क्रिकेटको एसिया छनोटको फाईनलको खेल आज हुदैछ । उपाधीको लागि नेपाल र ओमान बिच प्रतिस्पर्धा हदैछ ।त्रिवि क्रिकेट मैदान कीर्तिपुरमा बिहान ११ बजे खेल शुरु हुनेछ । नेपालले यूएई र ओमानले बहराइनलाई हराउँदै फाइनलमा पुगेका हुन् । समूह एु मा रहेका दुवै टोली लिग चरणमा समेत प्रतिस्पर्धा भएको थियो ।

लिग चरणको खेलमा नेपाल ओमानसँग झिनो रनले पराजित भएको थियो । सेमिफाइनलमा यूएईलाई ८ विकेटले हराएर फाइनल प्रवेश गरेको नेपालले उपाधिका लागि पुनः ओमानसँग खेल्न लागेको हो ।प्रतियोगिताको फाइनल प्रवेश गरेका नेपाल र ओमान दुवै टोली अर्को वर्ष वेस्ट इन्डिजमा हुने टी–२० विश्व कपमा छनोट भइसकेका छन् ।