नेत्रावती डवजोङ स्थित डवजोङ बौद्ध गुम्बामा ३ दिने मौन ब्रत जारी,बत अवधिभर नबोली,नखाई पुजा गरिदै

धादिङ । धादिङको नेत्रावती डवजोङ गाउँपालिका वडा न २ र ३ को बिचमा रहेको तिखाढुङमा न्युङ्ने मौन ब्रत जारी रहेको छ । अकालमा ज्यान गुमाएका सम्पुर्ण प्राणीहरुको चिर शान्तिको कामना गर्दै डवजोङ बौद्ध गुम्बामा ३ दिने न्युङ्ने पुजा सुरु भएको हो ।

हरेक बर्ष पुलपाती देखि सुरु भई बिजया दशमीको बिहान सकिने यस पुजा नेत्रावती डवजोङमा विगत २० बर्ष देखि हुदै आएको छ । डवजोङ बौद्ध गुम्बाका प्रमुख जंग बहादुर लामा र गुम्बा ब्यवस्थापन समितिका अध्यक्ष अमर बहादुर तामाङको नेतृत्वमा २९ जना सहभागिता मौन ब्रत सुरु भएको हो ।

पुजामा केहि खान र एक अर्का संग बोल्न पनि नहुने नेत्रावती डवजोङ गाउँपालिकाबाट बिजय तामाङले बताउनुभयो ।