कालिदेवी मा.बि मा दशै विशेष शुभकामना आदान प्रदान तथा सास्कृतिक कार्यक्रम सम्पन्न

धादिङ,२७ असोज ।
सिद्धलेक गाउँपालिका वडा नं ४ आरुबास स्थित कालिदेवी माध्यामिक विद्यालयमा शुक्रबार दशै विशेष शुभकामना आदानप्रदान तथा सांस्कृतिक कार्यक्रम सम्पन्न भएको छ। नेपालीहरुको महान चाड दशैको उपलक्ष्यमा शुभकामना आदानप्रदान गर्न विशेष बिद्यार्थीहरुलाइ बिधालयको तर्फबाट दशैको झल्को झल्काउने र रितिरिवाजलाई जगेर्ना गर्नुपर्छ भन्ने उद्देश्यका साथ सम्पन्न गरिएको हो ।

उक्त कार्यक्रममा बिधालयका सम्पुर्ण बिद्यार्थीहरुलाइ शिक्षकहरुबाट टीका तथा जमरा लगाइ र मिस्टान्न भोजनका सहित विभिन्न सस्कृतिक रमझमका साथ मनाइएको थियो।

बिद्यार्थीहरुलाइ पढाइ सङ्ग सङ्गै ब्यबाहारिक ज्ञानका लागि यस्ता कार्यक्रमहरु आवस्यक रहेको र यसबाट बिद्यार्थीहरुमा नैतिक आचरणको बिकास तथा परम्परागत रितिरिवाजहरुको जगेर्ना गर्न सहयोग पुग्ने वडा नं ४ का अध्यक्ष झक बहादुर थापाले बताउनुभयो ।

कार्यक्रममा कार्यबाहक प्र.अ नरमान श्रेष्ठले बिधालयले बिद्यार्थीहरुलाइ सैद्धान्तिक सङ्गै प्रयोगात्मक तथा प्रत्यक्ष ज्ञान दिन सकियो भने त्यो दिगो हुन्छ भन्ने कुरा प्रष्ट पार्नुभयो । शिक्षकका तर्फबाट शरण रेग्मी र तुलसी गिरि, बाल क्लबका तर्फबाट अध्यक्ष शितल थापा मगरले शुभकामना सन्देश राख्नुभएको थियो ।

साथै बिद्यार्थीहरुको विभिन्न सस्कृतिक तथा अन्य प्रदर्शनीहरु समेत गरिएको बिधालयका सुचना अधिकारी सुनिल थापा मगरले जानकारी दिनुभयो।

कार्यबाहक प्र अ श्री नरमान श्रेष्ठको सभापतित्वमा भएको शुभकामना आदान प्रदान कार्यक्रममा सिद्धलेक गाउँपालिका वडा नं ४ का वडा अध्यक्ष झक बहादुर थापाको प्रमुख आतिथ्य तथा शिक्षक, विद्यार्थी लगायत अभिभावकहरुको उपस्थिति रहेको थियो ।