शिक्षक कल्याण बचत तथा ऋण सहकारी संस्था १३ औँ बार्षिक साधारण सभा सम्पन्न

धादिङबेशी । शिक्षक कल्याण बचत तथा ऋण सहकारी संस्था लिमिटेडकोे १३ औँ बार्षिक साधारण सभा सम्पन्न भएको छ । संस्थाका अध्यक्ष केशरीप्रसाद पन्तको अध्यक्षतामा भएको कार्यक्रममा नेकपा माओवादी केन्द्रका केन्द्रिय सदस्य राम बहादुर भण्डारीको प्रमुख आतिथ्यता रहेको थियो ।

साधारण सभामा संस्थाका सचिव शिव प्रसाद रिजालद्धारा प्रस्तुत साङ्गठनिक प्रतिवेदन तथा कोषाध्यक्षद्धारा प्रस्तुत आर्थिक प्रतिवेदन सर्वसहमत पास गरिएको छ । संस्थाले साधारण सभाकै अवसर पारेर एस.ई.ईमा उत्कृष्ट जीपिए हासिल गर्ने शेयर सदस्यका छोरा छोरीलाई सम्मान समेत गरेको छ । त्यसैगरी २ जना असल ऋणी र ५ जना शेयर सदस्यहरु बढी अभिवृद्धि गर्ने शेयर सदस्यलाई सम्मान गरिएको संस्थाका अध्यक्ष केशरी प्रसाद पन्तले जानकारी दिनुभयो । ५८० जना शेयर सदस्य रहेको शिक्षक कल्याण बचत तथा ऋण सहकारी संस्था लि.ले आ.व. २०७९/०८० मा १२ लाख ९५ हजार ३ सय ६३ नाफा कमाउन सफल भएको छ ।

कार्यक्रमलाई सम्बोधन गर्नुहुँदै प्रमुख अतिथि समेत रहनुभएका नेकपा माओवादी केन्द्रका केन्द्रिय सदस्य राम बहादुर भण्डारीले धादिङको शिक्षकहरुको ऐतिहासिक महत्व बोकेको सहकारीको रुपमा शिक्षक कल्याण बचत तथा ऋण सहकारी संस्था रहेको भन्दै शिक्षकहरु आन्दोलन न्याय पुर्ण र जायज भएकोले शिक्षकहरुको माग पुरा गराउन आफ्नो ठाउँबाट सहयोग गर्ने बताउनु भएको छ ।
उहाँले संविधानमा लेखिएका कुराहरु असमानता भेदभाव गर्न नुहने भन्दै संविधानलाई सहि ढङ्गले बिभेद नगरिकन कार्यान्वयन गर्नुपर्ने कुरामा जोड दिनुभएको थियो ।