नेत्रावतीमा जेष्ठ नागरिक स्वास्थ्य शिविर सुरु,आज मार्पाक पोखरा र मार्पाक हेल्थ पोष्टमा हुँदै

धादिङ । धादिङको नेत्रावती डवजोङ गाउपालिकाले बुधबार देखि जेष्ठ नागरिक स्वास्थ्य शिविर संचालन गरेको छ ।

बुधबार वडा न २ बाट सुरु गरिएको जेष्ठ नागरिक स्वास्थ्य शिविर नेत्रावती डबजोङ गाउँपालिकाका अध्यक्ष  मेघनाथ रिजाल ज्यू बाट सुगर र ब्लड प्रेसर चेकजाँच गरि कार्यक्रमको शुभारम्भ गरिएको थियो ।

वडा न २ मा भएको पहिलो दिनको शिविरमा १४४ जनाले सेवा लिएका थिए, जसमा ३६ जना प्रेसर र ८ जना सुगरको बिरामी भेटिएको थियो ।

जेष्ठ नागरिक स्वास्थ्य परिक्षण  कार्यक्रम आज नेत्रावती डवजोङ गाउपालिका वडा न १ को मार्पाक पोखरा र मार्पाक हेल्थ पोष्टमा संचालन हुँदै छ । वडा न २  बाट सुरुवात गरिएको स्वास्थ्य परिक्षण कार्यक्रम यहि असोज १६ गते सम्म संचालन हुने गाउपालिकाका सुचना अधिकारी नवराज काफ्लेले बताउनु भयो ।