नेपाल राष्ट्रिय निर्माण व्यवसायी संगठन धादिङको दोस्रो भेला सम्पन्न,जिल्ला अधिबेशन गर्न आयोजक समिति गठन

धादिङ । नेकपा माओवादी केन्द्र निकट नेपाल राष्ट्रिय निर्माण व्यवसायी संगठन धादिङको दोस्रो भेला सम्पन्न भएको छ । बुधबार धादिङबेशी स्थित पार्टी कार्यलयमा एक कार्यक्रमका बिच नेपाल राष्ट्रिय निर्माण व्यवसायी संगठन धादिङको दोस्रो भेला सम्पन्न भएको हो ।

भेलाबाट जिल्ला अधिवेशन गर्न जिल्ला अध्यक्ष पदम बहादुर श्रेष्ठको संयोजकत्तवमा ११ सदस्यीय आयोजक समिती गठन गरिएको छ । सोहि अवसरमा यहि भाद्र २९ गते धादिङवेशीमा हुने निर्माण व्यवसायी संघ धादिङको अधिवेशनमा समन्वयका लागि पदम बहादुर श्रेष्ठ,राम कुमार डल्लाकोटी, यूनियन वंजरा र राजेन्द्र भण्डारी सहितको ४ सदस्यीय कार्यदल समेत गठन गरिएको नेपाल राष्ट्रिय निर्माण व्यवसायी संगठन धादिङ जिल्ला अध्यक्ष पदम बहादुर श्रेष्ठले बताउनुभयोे ।

भेलामा नेकपा माओवादी केन्द्रका केन्द्रिय सदस्य राम बहादुर भण्डारीको प्रमुख आतिथ्यता तथा जिल्ला संयोजक मनराज भण्डारी र नीलकण्ठ नगर उप प्रमुख दिपक विश्वकर्मको विशेष आतिथ्यतामा रहेको थियो ।