विश्व आत्महत्या रोकथाम दिवसको अवसरमा नीलकण्ठको चण्डेश्वरी माविमा अभिमुखीकरण कार्यक्रम सम्पन्न

धादिङ,२४ भदौ ।
विश्व आत्महत्या रोकथामको दिवसको अवसरमा नीलकण्ठ नगरपालिका वडा नम्बर ९ स्थित चण्डेश्वरी माध्यमिक विद्यालयमा अभिमुखीकरण कार्यक्रम सम्पन्न भएको छ । ‘आशा जगाऔं, जीवन बचाऔं’ भन्ने नाराका साथ आयोजना गरिएको कार्यक्रममा विद्यालयका शिक्षक तथा विद्यार्थीहरुको सहभागिता रहेको थियो । विद्यालयका सहायक प्रधानाध्यापक सविता अधिकारीको अध्यक्षतामा सम्पन्न भएको कार्यक्रममा नीलकण्ठ नगरपालिकाका श्रोतव्यक्ती मेघनाथ कोईरालाको प्रमुख आतिथ्यता रहेको थियो ।

कार्यक्रममा नीलकण्ठ नगरपालिकाद्धारा सन्चालित सुरक्षित आप्रवासन सामी कार्यक्रमका कार्यक्रम संयोजक दिनेश दुवाडी,मनोविमर्शकर्ता रामकुमार थापा,शिक्षक प्रतिनिधी नवराज लम्साल,सुचना अधिकारी प्रकाश श्रेष्ठ लगायतको आतिथ्यता रहेको थियो । कार्यक्रममा श्रोतव्यक्ती मेघनाथ कोईरालाले समस्यामा परेका व्यक्तीहरुको कुरा सुन्ने र उनीहरुलाई सहयोग गर्यौ भने आत्महत्याको दर घटाउन सकिने बताउनुभयो । पछिल्लो समय वालवालिकाहरुले पनि आत्महत्या गर्ने गरेको कारण नीलकण्ठ नगरपालिकाले विद्यालय स्तरबाटै सचेतनाको कार्यक्रम सन्चालन गर्न लागेको बताउनुभयो ।

आफ्नो मनका कुराहरु अरुलाई शेयर गर्यौँ भने समस्याहरु कम हुने भन्दै विद्यार्थीहरुलाई पनि जीवनमा आशा र भरोसा बोकेर अघि बढ्नुपर्ने बताउनुभयो । यसैगरी सुरक्षित आप्रवासन सामी कार्यक्रमका कार्यक्रम संयोजक दिनेश दुवाडीले सामी कार्यक्रमले गत बर्षदेखीनै कहि विद्यालयमा मनोपरामर्श कार्यक्रम सन्चालन गरेको भन्दै यो आर्थिक बर्षमा पनि केहि विद्यालयमा सचेतनाको कार्यक्रम गरिने बताउनुभयो ।

आत्महत्या आफैले आफैलाई गर्ने हत्या भएको कारणले त्यस्ता नकारात्मक सोचहरु आउने वित्तिकै मनोपरामर्शकर्तालाई भेट्नको लागि आग्रह गर्नुभयो । यसैगर कार्यक्रममा नीलकण्ठ नगरपालिकाका मनोसामाजिक परामर्शकर्ता रामकुमार थापाले आत्महत्या के हो ? आत्महत्या गर्नुको कारण, देखीने लक्षण र हात्महत्या रोकथामको लागि विद्यालय,परिवार,साथि र स्वयम आफैले गर्नुपर्ने कामहरुको बारेमा जानकारी गराउनु भएको थियो ।