रेडक्रस दिवसको अवसरमा धादिङमा रक्तदान हुँदै

धादिङ । नेपाल रेडक्रस सोसाईटीको ६१ औँ स्थापना दिवसको अवसरमा धादिङमा रक्तदान हुने भएको छ । युवा रेडक्रस सर्कल नीलकण्ठ माध्यामिक विद्यालयको आयोजनामा धादिङबेशी स्थित विद्यालय परिसरमा रक्तदान कार्यक्रम हुने भएको हो ।

रक्तदान कार्यक्रममा लायन्स क्लव अफ काठमाण्डौ ब्लड सर्कलले सहकार्य गरेको छ ।
धादिङमा पहिलो रेडक्रस सर्कलको रुपमा २०३४ सालमा स्थापित नीलकण्ठ युवा रेडक्रस सर्कलले पछिल्लो समय रेडक्रस गतिबिधि बढाएको पाईन्छ ।

नेपाल रेडक्रस सोसाईटीको स्थापना दिवसको अवसरमा आयोजित रक्तदान कार्यक्रममा रक्तदान गरि सहयोग गर्न सम्पुर्ण रक्तदाताहरुलाई विद्यालयका शिक्षक नायक राजेन्द्र राना मगरले अनुरोध गर्नु भएको छ ।