सुनौलाबजारमा माओवादी केन्द्र द्धारा दौड प्रतियोगिता गर्दै अभियान उद्घाटन

धादिङ । नेकपा माओवादी केन्द्र नीलकण्ठ वडा न ६ को आयोजनामा सुनौला बजार देखि भैरवी मन्दिर सम्म दौड प्रतियोगिता सम्पन्न भएको छ ।

वडा कमिटिले दौड प्रतियोगिताको आयोजना गरि ३ महिने अभियानको उद्घाटन गरेको हो । माओवादी केन्द्र वडा कमिटिले भैरवी मन्दिर पर्यटन प्रवधनका लागी सहिद मुकुन्द सेन स्मृति दौड प्रतियोगता राखीएको बताईएको छ ।

दौड प्रतियोगितामा धादिङका सन्देश घले प्रथम, पावल तामाङ द्धितीय, राम घले तृतिय र रविन थापा सान्त्वना भएका छन् । विजेतालाई नगदसहित ट्रफी प्रदान गरिएको छ । नेकपा माओवादी केन्द्रले जनता संग माओवादी रुपान्तरण अभियानको अवसरमा आयोजना गरेको प्रतियोगितामा बालकदेखि वृद्ध उमेरसम्मका २९ जना सहभागी थिए ।

नेकपा माओवादी केन्द्रका नेता दिपक विश्वकर्माको नेतृत्वमा उक्त वडामा ३ महिने अभियान संचालन हुदै छ ।