माओवादी अभियान : नीलकण्ठ ९ मा सहिद परिवार सम्मान,स्वास्थ्य चौकी सरसफाई र फुटबल प्रतियोगिता

धादिङ । नेकपा माओवादी केन्द्र नीलकण्ठ ९ वडा कमिटिले फुटबल प्रतियोगिता गरेर‘जनतासँग माओवादी ः विशेष रुपान्तरण अभियान’ को उद्घाटन गरेको छ ।

माओवादी केन्द्रले वडा स्तरमा पुगी ३ महिने जनता संग माओवादी विशेष रुपान्तरण अभियानको उद्घाटन गरेको छ ।
जिल्लामा माओवादी जनता संगै छ भन्ने सन्देश दिन फरक फरक शैलिमा वडा तहमानै पुगी माओवादी केन्द्रले अभियानको उद्घाटन गरेको हो ।

नीलकण्ठ नगरपालिका वडा न ९ वडा पार्टी कमिटिले मैत्रीपुर्ण फुटबल प्रतियोगिता गरि अभियानको उद्घाटन गरेको हो ।
पार्टीका केन्द्रिय सदस्य अप्सरा सिंखडा (दिपा) को प्रमुख आतिथ्यता तथा जिल्ला खेलकुद विकास समिति धादिङका अध्यक्ष प्रतापसिंह तामाङ विशेष आतिथ्यता रहेको नीलकण्ठ ९ ले वडा नम्बर १२ सँग फुटबल खेल्दै अभियान उद्घाटन गरेको हो ।
प्रतियोगिता आयोजक नीलकण्ठ ९ विजयी हुँदै ३ हजार जित्यो भने, उपविजेता वडा न १२ ले नगद २ हजार हात पारेको छ ।
त्यसैगरी वडा कमिटिले अभियानको उद्घाटनको क्रममा वडा भित्र रहेको मुरली भन्ज्याङ स्वास्थ्य चौकी सरसफाई र सहिद परिवार सम्मान कार्यक्रम समेत गरेको छ ।

उक्त वडामा पार्टीका जिल्ला समन्वय समितिका सदस्य रुद्ध बहादुर खत्रिले अभियानको नेतृत्व गर्ने जिम्मा पाउनु भएको छ ।