धादिङबेशीमा खुल्यो स्वर्णिम मिट मार्ट

धादिङबेशी । स्वर्णिम बहुउदेश्यीय सहकारी संस्था लि. ले धादिङबेशीमा आज बाट स्वर्णिम मिट मार्ट संचालनमा ल्याएको छ ।उपभोक्ताहरुलाई मध्यनजर गर्दै सस्तो र सुलभ मुल्यमा गुणस्तरीय सेवा प्रदान गर्न सहकारीले आज देखि उक्त मिट मार्ट संचालनमा ल्याएको हो ।

एसी जडित बन्द कोठा बाट संचालन भएको मिट मार्टमा सफा र ताजा मासु पाईने स्वर्णिम बहुउदेश्यीय सहकारी संस्था लि.का अध्यक्ष अशोक कुमार बस्नेतले बताउनु भयो । आज देखि संचालन भएको मिट मार्टमा खसीको मासु प्रतिकेजी रु ११५० र बोईलर कुखुराको मासु प्रतिकेजी रु ३६० कायम गरिएको छ ।

नीलकण्ठ नगरपालिका वडा न ३ का वडा अध्यक्ष राजकुमार श्रेष्ठ द्धारा उद्घाटन गरिएको स्वर्णिम मिट मार्टको उद्घाटन सत्रमा सस्थाका शेयर सदस्यहरु,धादिङ उद्योग बाणिज्य संघका निवर्तमान अध्यक्ष रुद्ध बहादुर खत्रि,धादिङ चेम्बर्स अफ कमर्सका अध्यक्ष गोविन्द कुमार श्रेष्ठ, भेटेरिनरी अस्पताल तथा पशु सेवा विज्ञ केन्द्र, धादिङ प्रमुख लगाएत संघ संस्थाका प्रमुख तथा प्रतिनिधिहरुको उपस्थिती रहेको थियो ।

उद्घाटन सत्रमा उपस्थित बक्ताहरुले यसरी सहकारी मार्फत मिट मार्ट संचालन आउनु खुसीको कुरा भएको भन्दै यसको निरन्तरता र गुणस्तरीय सेवा कायम हुनुपर्ने कुरामा जोड दिएका थिए ।

यस्तो छ स्वर्णिम मिट मार्टको आजको दररेट
१, खसीको मासु प्रतिकेजी रु ११५०।–
२, खसीको खुट्टा रु १००।–
३, खसीको भुटन रु ४००।–
४, खसीको टाउको रु ६५०।–
५, ब्रोईलर कुखुराको मासु रु ३६०।–
६, ब्रोईलर कुखुराको खुट्टा,टाउको रु १००।–
७, ब्रोईलर कुखुराको कलेजो पाङ्गा रु ३६०।–
८, ब्रोईलर कुखुराको पखेटा रु ३६०।–
९, ब्रोईलर कुखुराको लेग पिस रु ४००।–
१०, ब्रोईलर कुखुराको बोन लेस रु ४५०।–