ट्रकको ठक्करबाट मलेखुमा मोटरसाईकल चालकको मृत्यु

धादिङ,५ साउन ।
पृथ्वीराजमार्ग अन्तरगत बेनिघाट रोराङ गाउँपालिका वडा नम्बर ३ मलेखुमा मालबाहक ट्रकको ठक्करबाट मोटरसाईकल चालकको मृत्यु भएको छ । काठमाडौबाट मुग्लिङतर्फ जादैँ गरेको प्रदेश–१–०२–००१ ख ८०२९ नम्बर को ट्रक र विपरीत दिशाबाट आउँदै गरेको बागमती प्रदेश ०२–०३७ प ७७३१ नम्बरको मोटरसाइकल ओभरटेक गर्ने क्रममा ट्रकले ठक्कर दिँदा मोटरसाइकल चालकको उपचारको क्रममा मृत्यु भएको जिल्ला प्रहरी कार्यालय धादिङका प्रहरी नायव उपरीक्षक (डीएसपी) सन्तु प्रसाद जैसवारले जानकारी दिनुभयो ।मोटरसाइकलको पछाडी बस्ने महिला सामान्य घाइते भएको जिल्ला प्रहरी कार्यालय धादिङले जनाएको छ ।