जिल्ला अस्पताल धादिङलाई १०० बेड बनाउन बजेट छुट्याएको छुः मुख्यमन्त्री जम्मकट्टेल

धादिङ,५ साउन 
बागमती प्रदेश सरकारका मुख्यमन्त्री शालिकराम जम्कट्टेलले बागमती प्रदेश सरकार स्वास्थ्य क्षेत्रमा प्रतिवद्ध रहेको बताउनु भएको छ । बागमती प्रदेश सरकारले निति तथा कार्यक्रममा स्वास्थ्य क्षेत्रलाई बिशेष हेरेको भन्दै धादिङ अस्पताललाई एक सय वेडको अस्पताल बनाउने कार्य यसै बर्ष कान्र्यान्वयन हुने बताउनु भएको छ ।धादिङ जिल्लालाई पुर्ण खोप सुनिश्चितता जिल्ला घोषणा कार्यक्रमलाई बिहिबार सम्बोधन गर्नुहुदै सो कुरा बताउनु भएको हो ।

उहाँले अघिल्लो बर्षमा घोषणा भएपनि कार्यान्वयनमा ल्याउन नसकेको भन्दै यस बर्ष धादिङ अस्पतालको स्तरउन्नती हुनेमा बिश्वास दिलाउनु भयो । उहाँले एक सय वेडको अस्पतालको काम यहि साउन बाट नै सुरु हुने बताउनु भएको हो ।त्यसको लागि बजेट बिनियोजन गरेको उहाँले स्पष्ट पार्नुभएको छ ।उहाँले स्वास्थ्य क्षेत्रमा कार्यरत महिला स्वयसेविकाहरुको सेवा सुविधारमा आफ्नो ध्यानाकर्षण भएको भन्दै आगामी दिनमा आफुले सहयोग गर्ने बताउनु भएको छ । उहाँले बजेट बिनियोजनमा धादिङको नेत्रावती,ज्वालामुखी र खनियाबास गाउपालिकालाई कम भएको भन्दै आगामी दिनमा त्यसलाई सच्याएर केहि राहात प्रदान गर्ने बताउनु भएको छ । त्यसका लागी आर्थिक मामिला मन्त्रि संग कुरा भैसकेको समेत उहाँको भनाई छ ।

मुख्यमन्त्री जम्कट्टेलले धादिङको किन्ताङफेदी पुलको डिपिआर ल्याए कात्तिक मंसिर बाट कामको थालनी हुने गरी बजेट बिनियोजन गर्न आफु प्रतिवद्ध रहेको समेत बताउनु भएको छ ।उहाँले परम्परावादी बिकासको मोडेलले अव काम नहुने भन्दै स्थानिय तहका प्रमुखहरुलाई खानेपानी,स्वास्थ्य,सरसफाई, फोहोर ब्यवस्थापन र शिक्षा जोड दिन आग्रह समेत गर्नु भएको छ ।उहाँले बजेटको ट्रेनलाई यसपाली अलि चेन्ज गर्न खोजेको भन्दै अव छिट्टै प्रादेशिक सडक गुरुयोजना निर्माण गर्न लागेको समेत बताउनु भयो । उहाँले यस पटकको बजेट पुर्वाग्राही मुक्त बजेट भएको समेत दावी गर्नु भएको थियो ।उहाँले परक प्रसङ्गमा प्रदेशका कार्यालयहरुको सेवा अव जिल्ला जिल्लामा एकिकृत घुम्ती मार्फत लैजाने योजना भएकोले साना तिना कामको लागी प्रदेश ध्याउने बाध्यताको अन्त्य हुने समेत बताउनु भएको छ ।