रास्वापाको थाक्रे गाउँ कमिटीको सभापतिमा थापा,कोषाध्यक्षमा जिसी

धादिङ,२३ असार 
राष्ट्रिय स्वतन्त्र पार्टी थाक्रे गाउँपालिका कमिटीको सभापतिमा मुकुन्द थापा चयन हुनुभएको छ । शनिवार थाक्रे पालिकाको महादेववेशीमा रहेको सिता मार्टको हलमा आयोजित थाक्रे पालिका स्तरिय भेलाले मुकुन्द थापाको सभापतित्वमा ११ सदस्यीय नयाँ कार्य कमिटी चयन गरिएको छ ।
नयाँ गाउँ कमिटिको उप–सभापतिमा सविन सुवेदी,सचिवमा सरिता ढुङगाना,रास्वपाको थाक्रे पालिका कमिटिको कोषाध्यक्षमा नारायण जिसी, सदस्यहरुमा सावित्री पौडेल, सन्तोषी कोइराला, मायादेवी पन्त, शिव रिजाल, शिव बहादुर थापा, अनुज रिमाल, सोम बहादुर थोकर र रञ्जन लामालाई चयन गरेको छ ।
भेलामा केन्द्रिय उपसभापति डोल प्रसाद अर्याल, सांसद डा. तोसीमा कार्की तथा केन्द्रीय कमिटी सदस्य तथा प्रदेश तथा जिल्ला तहका नेताहरुको समेत उपस्थिति रहेको थियो ।