नीलकण्ठ नगरपालिका र जापानको युशुहारा सिटीबिच शनिवार महत्वपुर्ण विषयमा सम्झौता हुदै

धादिङ,३० बैशाख
नीलकण्ठ नगरपालिका र जापानको युशुहारा सिटी बिच शनिवार महत्वपुर्ण विषयमा सम्झाँैता हुने भएको छ ।सम्झौता गर्नको लागि युशुहारा सिटीको मेयरको नेतृत्वमा एक टोली शुक्रबार नीलकण्ठ नगरपालिका आईपुगेको हो ।

भगिनी सम्बन्धन स्थापित भएपछि नीलकण्ठको विकासको लागि दुई पक्षिय सम्झौता हुने लागेको हो ।विशेष गरी कृषि र प्रविधिको क्षेत्रमा काम गर्ने गरी सम्झौता हुन लागेको नगर प्रमुख भीम प्रसाद ढुंगानाले जानकारी दिनुभएको छ । अहिले दुई वटा क्षेत्रमा सम्झौता गरेर अघि बढेपनि पछि अन्य क्षेत्रमा पनि सहकार्य गरेर काम गर्ने लक्ष्य रहेको ढुंगानाले बताउनुभयो।

स्वागत कार्यक्रममा युशुहारा सिटीका मेयर हिसातो योशिदाले कोरोनाको कारण काम हुन सकेन अब नीलकण्ठले चाहेमा आफुहरु मिलेर काम गर्न तयार रहेको बताउनु भएको थियो । युशुहाराका मेयर सहित धादिङबेसी आईपुगेको जापानी टीमलाई नीलकण्ठ नगपालिकाका मेयर भीमप्रसाद ढुङ्गाना, उप मेयर दिपक विश्वकर्मा,प्रमुख प्रशासकीय अधिकृत पुरुषोत्तम सुवेदी लगायत नीलकण्ठ नगरपालिकाका जनप्रतिनीधि एवम कर्मचारीले स्वागत गरेका छन् ।