ट्रयाक्टरमा मोटरसाइकल ठोक्किदा एकजनाको मृत्यु

दाङ, २८ चैत 

दाङको घोराही उपमहानगरपालिका–७ नागडाँडामा  रोकी राखेको ट्रयाक्टरमा आइतवार राति तीन जना सवार मोटरसाइकल ठोक्किदा एकजनाको मृत्यु भएको छ । दुर्घटनामा २ जना गम्भीर घाइते भएका छन् ।

मृत्यु हुनेमा मोटरसाइकल चालक दाङकै घोराही उपमहानगरपालिका–१६ बयरडाँडाका २२ बर्षीय निसान्त चौधरी रहेका छन् ।

गम्भीर घाइते भएका उनको उपचारको क्रममा घोराही स्थित राप्ती स्वास्थ्य विज्ञान प्रतिष्ठानमा राती १२ बजे मृत्यु भएको प्रहरीले जनाएको छ ।

दुर्घटनामा घाइते भएका मोटरसाइकलमा पछाडी सवार १६ बर्षीय सिताराम चौधरीको सोही अस्पतालमा र २१ बर्षीय सागर चौधरीको कोहलपुर स्थित नेपालगंज मेडिकल कलेजमा उपचार भइरहेको छ ।

धर्नाबाट सर्रातर्फ आउदै गरेको रा ५ प ५१८५ नम्बरको मोटरसाइकल रा १ त ४६७८ नम्बरको ट्रयाक्टरको पछाडी गएराती साढे ११ बजे ठोकिएको थियो ।