सङ्क्रमित थपिने दर कम हुँदै, देशभर ५९२ सक्रिय संक्रमित

धादिङ,२७ चैत्र ।

नेपालमा थप ४ जनामा कोरोना भाइरसको सङ्क्रमण पुष्टि भएको छ ।

गत २४ घन्टामा देशभर २ हजार ७४० कोरोना परीक्षण गर्दा ४ संक्रमित थपिएका छन् भने ४८ संक्रमित निको भएको स्वास्थ्य तथा जनसङ्ख्या मन्त्रालयले जनाएको छ।

अब देशभर सक्रिय सङ्क्रमितको सङ्ख्या ५ सय ९२ जना मात्रै रहेको छ। देशभर १८ सय आरटी पिसिआर परीक्षणमा ३ जना र ९४० एन्टिजेन परीक्षणमा १ जनामा संक्रमण पुष्टि भएको छ । यस्तै संक्रमण कारण मृत्यु हुने पनि शुन्य रहेको छ ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६६ हजार २८ पुगेको छ भने ११ हजार ९ सय ५१ जनाको मृत्यु भएको छ।

देशभर आजसम्म ११ लाख १८ हजार ७८७ कोभिड संक्रमित भएको मन्त्रालयको तथ्याङ्कमा उल्लेख गरिएको छ।