४२ कोरोना संक्रमित थपिदा ८६ जना स्वस्थ, सक्रिय संक्रमित ११ सय ९८

धादिङ,१५ गते ।

नेपालमा थप ४२ जनामा कोरोना भाइरसको सङ्क्रमण पुष्टि भएको छ । गत २४ घन्टामा देशभर ५ हजार ४७१ कोरोना परीक्षण गर्दा जम्मा ४२ जनामा सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ ।

देशभर ४ हजार ३२२ आरटी पिसिआर परीक्षणमा ३० जना र ११ सय ४९ एन्टिजेन परीक्षणमा १२ जनामा संक्रमण पुष्टि भएको छ। यस्तै गत २४ घन्टामा देशभर रहेका सक्रिय सङ्क्रमित मध्ये ८६ जना स्वस्थ भएका छन् भने संक्रमणका कारण मृत्यु हुने शुन्य रहेको छ।

योसँगै नेपालमा हालसम्म कोरोना सङ्क्रमण पछि निको हुनेको सङ्ख्या ९ लाख ६५ हजार २२८ पुगेको छ भने ११ हजार ९ सय ५१ जनाको मृत्यु भएको छ ।

अब देशभर सक्रिय सङ्क्रमितको सङ्ख्या १ हजार १९८ रहेको छ। देशभर आजसम्म ११ लाख १८ हजार ५०८ कोभिड संक्रमित भएको मन्त्रालयको तथ्याङकमा उल्लेख छ ।