नेपाल खेलकुद महासंघ धादिङको संयोजकमा सुनिल तामाङ चयन

नेपाल खेलकुद महासंघ धादिङको संयोजकमा सुनिल तामाङ चयन हुनुभएको छ । सत्तारुढ नेकपा (एमाले) निकट नेपाल खेलकुद महासंघको राष्ट्रिय भेलाले केन्द्रिय कमिटि, आयोगहरु, सल्लाहाकार कमिटि लगाएत मातहतका प्रदेश, जिल्ला तथा तथा महानगर कमिटिको मूल नेतृत्व चयन गरेसँगै महासंघ धादिङको संयोजकमा सुनिल तामाङलाई चयन गरेको हो । 

तामाङ युवा संघ नेपाल धादिङको जिल्ला कमिटी सदस्य, धुनिबेशी नगर कमिटिको इन्चार्ज, लोकतान्त्रिक तामाङ संघ धादिङको जिल्ला उपाध्यक्ष समेत हुनुहुन्छ । गत मंगलबार ‘खेलकुद नागरिकको मौलिक अधिकार, समृद्धिका लागि जनस्वास्थ्य हाम्रो सरोकार’ भन्ने नारासहित सम्पन्न भएको भेलाले १५ गते बुधबार केन्द्रिय कमिटि, आयोगहरु, सल्लाहाकार कमिटि लगाएत मातहतका प्रदेश, जिल्ला तथा तथा महानगर कमिटि नेतृत्वको नामावली सार्वजनिक गरेको हो ।