न्यु किबो बोर्डिङमा प्राथमिक उपचार सम्बन्धि तालिम सम्पन्न

धादिङ,२९ भदौ
धादिङबेसीमा रहेको न्यु किबो बोर्डिङ स्कुलमा प्राथमिक उपचार सम्बन्धी तालिम सम्पन्न भएको छ । विश्व प्राथमिक उपचार दिवसको अवसरमा विद्यालयमा तालिमको आयोजना गरेर तालिम सन्चालन गरीएको विद्यालयका प्रिन्सिपल प्रयास रेग्मीले जानकारी दिनुभयो । नेपाल रेडक्रस सोसाइटी,धादिङ जिल्ला शाखाको समन्वय र युवा रेडक्रस सर्कल, न्यु किबो बोर्डिङको आयोजनामा तालिम सम्पन्न भएको हो ।

विधालयका अतिरिक्त क्रियाकलाप संयोजक अनुप भट्टका अनुसार युवा रेडक्रस सर्कल, न्यु किबो बोर्डिङको अध्यक्ष सन्जिवनी श्रेष्ठको अध्यक्षतामा सम्पन्न भएको कार्यक्रममा नेपाल रेडक्रस सोसाइटी, धादिङ जिल्ला शाखाकाका सभापति दुर्लभ कुमार तामाङको प्रमुख आतिथ्यता रहेको थियो । जिल्ला शाखाका महामन्त्री, नेम बहादुर श्रेष्ठको विशेष आतिथ्यता रहेको कार्यक्रममा, नेपाल रेडक्रस सोसाईटी जिल्ला शाखाका कोषाध्यक्ष नारायण कुमार श्रेष्ठ विद्यालयका प्रिन्सिपल प्रयास रेग्मी, युवा रेडक्रस सर्कल, न्यु किबो बोर्डिङ संरक्षक लगायतको आतिथ्यता रहेको थियो ।विद्यालयका प्रीन्सीपल तथा यु. रे. स., न्यु किबो बोर्डिङका संरक्षक प्रयास रेग्मिले केही समय अघि सम्पन्न न्यु किबो बोर्डिङमा नै सम्पन्न भएको दुई दिने प्राथमिक उपचार सम्बधी तालीमलाई पुनर्ताजगी गराउने हिसाबले तालिम सन्चालन गरीएको बताउनुभयो ।