नेत्रावती डबजोङ गाउँपालिका स्तरीय तिज गीत प्रतियोगिता लालिगुरास आमा समूहले जित्यो

धादिङ,१८ भाद्र ।
नेत्रावती डबजोङ गाउँपालिका स्तरीय तिज गीत प्रतियोगितामा लालिगुरास आमा समूह वडा नं. ५ प्रथम भएको छ ।

“समाज परिवर्तनमा महिलाको भुमिका” शिर्षकमा गाउँपालिकाले आयोजना गरेको तिज गीत प्रतियोगितामा लालिगुरास आमा समूह वडा नं. ५ प्रथम भएको हो ।

प्रतियोगितामा अभियान कल्याण आमा समूह वडा नं. ४ दोस्रो, नाना आङा महिला समूह वडा न ३ तेस्रो भएको छ भने निरन्जना आमा समूह वडा नं. १ ले सान्त्वना स्थान हासिल गर्न सफल भएको छ ।

बिजयी टिमलाई क्रमस ८ हजार, ६ हजार ५००, र ५ हजार नगद सहित प्रमाणपत्र प्रदान गरिएको थियो ।

महिला हरुको महान चाड हरितालिका तीजको अबसरमा मनोरञ्जन मात्र नभई महिलाहरु एकआपसमा घुल्मिल भई एकजुट भएर अगाडी बढ्दै हाम्रो कला संस्कृति र परम्परा र भेषभुसाको संरक्षण गर्दै लैजानको लागि कार्यक्रमको आयोजना गरिएको गाउँपालिकाले जनाएको छ ।