नीलकण्ठ १२ सांकोषमा खुल्ला तीज गीत प्रतियोगिता सम्पन्न,पशुपति मावि प्रथम

धादिङ,१६ भदौ
महिलाहरुको क्षेत्रमा नगरपालिकाले काम गरीरहेको नगर प्रमुख भीम प्रसाद ढुंगानाले बताउनु भएको छ ।मेयर उद्यमशिलता कार्यक्रम अन्तरगत महिलाहरुको लागि ६ प्रतिशत व्याजमा अनुदान र सुत्केरी गराउँदा अस्पताल ल जाँदाको एकतर्फी भाडा नगरपालिकाले उपलब्ध गराउने काम गरेको भन्दै उहाँले महिलाहरुको क्षमता बढाउनको लागि सचेतनाको काम सुरु गरीरहेको बताउनभुयो ।

नेपाली महिलाहरुको महान चाड हरितालिका तीजको अवसरमा वडा नम्बर १२ मा आयोजित तीज गीत प्रयोगितालाई सम्बोधन गर्नुहुदै उहाँले चेलीहरुको गुनासो सुन्ने काम नगरपालिकाले गरीरहेको बताउनुभयो ।विगत र वर्तमानमा भएका विकासलाई हेरेर राम्रोको राम्रो र नराम्रोको खबरदारी गर्न पनि आग्रह गर्नुभयो ।
नीलकण्ठ नगरपालिका वडा नम्बर १२ का वडा अध्यक्ष धर्मराज भण्डारी(राजकुमार)को अध्यक्षतामा सम्पन्न भएको तीज गीत प्रतियोगितामा नगर प्रमुख भीम प्रसाद ढुंगानाको प्रमुख आतिथ्यता रहेको थियो ।

नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदी र जिल्ला समन्वय समितिका सदस्य राम प्रसाद रिजालको विशेष आतिथ्यता रहेको थियो । कार्यक्रममा नीलकण्ठ नगरपालिकाका सामाजिक विकास शाखा अधिकृत उर्मिला थपलिया,वडा सदस्यहरु लगायतको आतिथ्यता रहेको थियो । खुल्ला तीज गीत प्रतियोगितामा पशुपति मावि प्रथम,सावित्री धमला द्धितिय र साउनेपानी टोल विकास समिति तृतीय हुन सफल भएको छ ।

प्रतियोगितामाम प्रथम,द्धितीय र तृतीय हुने समुहलाई नगद क्रमश ५ हजार,३ हजार,२ हजार र प्रमापत्रबाट पुरस्कृत गरीएको थियो । कार्यक्रम समापन गर्नुहुदै वडा अध्यक्ष राजकुमार भण्डारीले महिलाहरुको शसक्तिकरणको लागि वडाले विभिन्न कार्यक्रमहरु सन्चालन गर्दै आईरहेको बताउनुभयो । स्थानीय कला संस्कृति जगेर्ना गर्ने उदेश्यले कार्यक्रमको आयोजना गरीएको भन्दै उहाँले सहभागी सबैलाई धन्यवाद दिनुभएको थियो ।