स्वास्थ्य शाखा र मातहातका कार्यालयको बार्षिक समिक्षा तथा योजना तर्जुमा गोष्ठी सुरु

धादिङ,१० भदौ
धादिङको नीलकण्ठ नगरपालिकाको पालिका स्तरीय बार्षिक समिक्षा तथा योजना तर्जुमा गोष्ठी आईतबारदेखी सुरु भएको छ ।आर्थिक बर्ष २०८०÷०८१ मा स्वास्थ्य क्षेत्रमा भएका काम कारबाहीको बारेमा सरोकारवाला निकायलाई जानकारी गराउने उदेश्यले गोष्ठीको आयोजना गरीएको हो । नीलकण्ठ नगरपालिकाको १४ वटै वडामा भएका कार्य प्रगती,समस्या,चुनौती र आगामी योजनाको विषयमा जानकारी गराउने उदेश्यले गोष्ठीको आयोजना गरीएको बरिष्ठ जनस्वास्थ्य निरिक्षक विष्णु प्रसाद रिजालले जानकारी दिनुभयो ।

नीलकण्ठ नगरपालिकाका प्रमुख प्रशासकीय अधिकृत पुरुषोत्तम सुवेदीको अध्यक्षता र जनस्वास्थ्य कार्यालय धादिङका प्रमुख विभु कुमार झाको विशेष आतिथ्यतामा सम्पन्न भएको उद्घाटन समारोहमा धादिङ अस्पतालका निमित्त निर्देशक गगन कुमार अधिकारी,नीलकण्ठ नगरपालिकाका सल्लाहकार दिपक कोईराला, नेपाल पत्रकार महासंघ धादिङका अध्यक्ष राजाराम शर्मा,वडा अध्यक्षहरु,कार्यापालिका सदस्यहरुको आतिथ्यता रहेको थियो । कार्यक्रममा बरिष्ठ जनस्वास्थ्य निरिक्षक विष्णु प्रसाद रिजालले गत आर्थिक बर्षमा स्वास्थ्य क्षेत्रमा भएका प्रगतीको विषयमा जानकारी गराउनु भएको थियो । नगरपालिका भित्र रहेका १७ वटा स्वास्थ्य संस्थाबाट प्रवाह भएको सेवा र चुनौतीको विषयमा छलफल भएको भएको थियो ।

कार्यक्रमलाई सम्बोधन गर्नुहुदै प्रमुख प्रशासकीय अधिकृत पुरुषोत्तम सुवेदीले नागरिकहरुको विश्वास जित्ने गरी काम गर्नलाई कर्मचारीहरुलाई निर्देशन दिनुभएको छ ।आफ्नो कर्तव्य पुर्ण पालन गर्न निर्देशन दिनुहुदै स्वास्थ्य क्षेत्रमा नागरिकहरुको विश्वास जित्नको लागि आग्रह गर्नुभयो ।कार्यक्रमलाई सम्बोधन गर्ने अतिथीहरुले नीलकण्ठ नगरपालिकाले स्वास्थ्य क्षेत्रमा गरेको काम सन्तोष जनक रहेको भन्दै आगामी दिनमा अझै राम्रो गर्नको लागि शुभकामना व्यक्त गर्नुभएको थियो । आईतबारदेखी सुरु भएको बार्षिक गोष्ठी आज(सोमबार) सम्म सन्चालन हुनेछ । स्वास्थ्य संस्था प्रमुखहरुले आफ्नो स्वास्थ्य संस्थाबाट प्रवाह भएको सेवा सुविधाको बारेमा विस्तृत जानकारी गराउने कार्यक्रम रहेको छ ।