अखिल क्रान्तिकारी नीलकण्ठ नगर कमिटीको अध्यक्षमा किरण खाती चयन

धादिङ,७ भदौ
नेकपा माओवादी केन्द्र निकट विद्यार्थी संगठन अनेरास्ववियू (क्रान्तिकारी) नीलकण्ठ नगर कमिटीको दोस्रो सम्मेलन शुक्रबार सम्पन्न भएको छ । सम्मेलनले किरण खातीको ३६ सदस्यीय नगर कमिटी चयन गरेको छ । पुर्नगठीत समितिको उपाध्यक्षमा सर्मिला तामाङ, सुवास श्रेष्ठ, सचिवमा संगीत तामाङ , सहसचिव सन्देश गौतम, अनोज धमला र कोषाध्यक्षमा प्रथा तामाङ निर्वाचित हुनुभएको छ । कार्यक्रमकै अवसरमा कक्षा १२ मा उतीर्ण भएका विद्यार्थीलाई सम्मान समेत गरिएको छ ।
नीलकण्ठ नगर कमिटीको अध्यक्ष श्रीकृष्ण रिजालका अध्यक्षतामा सम्पन्न भएको कार्यक्रममा नेकपा माओवादी केन्द्र जिल्ला ईन्चार्ज एवं संविधान सभा सदस्य पुष्प विक्रम मल्लको प्रमुख आतिथ्यता रहेको थियो । माओवादी केन्द्र जिल्ला संयोजक मनराज भण्डारीको विषेश आतिथ्यता रहेको कार्यक्रममा नेकपा माओवादी केन्द्र बागमती प्रदेश कमिटी सचिवालय सदस्य एवं नीलकण्ठ नगर पालिकाका उपप्रमुख दिपक विश्वकर्मा, जिल्ला सल्हाकार समितीका संयोजक केशरी प्रसाद पन्त, अखिल क्रान्तिकारी केन्द्रिय सचिव विमल तामाङ,जिल्ला ईन्चार्ज उपेन्द्र जमरकटेल, नीकण्ठ नगर कमिटी अध्यक्ष शम्भु कुमार श्रेष्ठ लगायतको आतिथ्य रहेको थियो ।