रघुवंशिय कौशिक गोत्रिय भण्डारी सेवा समाज नेपाल धादिङको अध्यक्षमा बिनोद भण्डारी चयन

धादिङबेशी । रघुवंशिय कौशिक गोत्रिय भण्डारी सेवा समाज नेपाल धादिङको अध्यक्षमा बिनोद भण्डारी चयन भएका छन् । शनिबार सम्पन्न समाजको प्रथम जिल्ला सम्मेलनबाट बिनोद भण्डारी सर्वसहमत अध्यक्ष भएका हुन् ।

भण्डारीको अध्यक्षतामा १९ सदस्यीय धादिङ जिल्ला समिति सर्वसम्मत निर्वाचित गरिएको छ । सम्मेलनले मनराज भण्डारी शैलेशको संयोजकत्वमा ७ सदस्यीय सल्लाहकार समिति समेत चयन गरेको छ ।

सम्मेलन रघुवंशिय कौशिक गोत्रिय भण्डारी सेवा समाज नेपालका केन्द्रीय अध्यक्ष वीर बहादुर भण्डारीको प्रमुख आतिथ्यता,प्रमुख संरक्षक जिबन कुमार भण्डारी ,संरक्षक केशर बहादुर भण्डारी ,केन्द्रीय उपाध्यक्ष तथा बागमती प्रदेश सभा सदस्य पुर्व मन्त्री मसिना भण्डारी,निलकण्ठ नगरपालिका निवर्तमान उपमेयर मनराज भण्डारी शैलेशको विशिष्ट आतिथ्यतामा सम्पन्न भएको थियो ।

उक्त सम्मेलनको अवसरमा ७० वर्ष भन्दा माथिको जेष्ठ सदस्य, बागमती प्रदेश सभाको सदस्य पुर्व मन्त्री मसिना भण्डारी र निलकण्ठ नगरपालिका धादिङको निवर्तमान उपमेयर मनराज भण्डारीलाई दोसल्ला सहित सम्मान गरिएको थियोे ।