चिल्ड्रेनपार्क माध्यामिक विद्यालयमा वक्तृत्वकला प्रतियोगिता सम्पन्न

धादिङ,२९ साउन
धादिङबेशीमा रहेको चिल्ड्रेनपार्क माध्यामिक विद्यालयमा वक्तृत्वकला प्रतियोगिता सम्पन्न भएको छ । विद्यालयको शैक्षिक कार्यपात्रो अनुसार कक्षा १ र २ को वक्तृत्वकला मंलबार सम्पन्न भएको विद्यालयका प्रिन्सिपल षष्टिकुमार श्रेष्ठले जानकारी दिनुभयो । ४७ जना विद्यार्थीहरूको सहभागितामा विद्यालयले आफ्नै हलमा कक्षा १ का लागि सरसफाई’ शीषर्क र कक्षा २ का लागि ’स्वस्थ वातावरण’ शिर्षक दिइएको थियो ।

कार्यक्रममा कक्षा १ बाट कृजल अर्याल प्रथम, प्रश्ना थापा द्वितीय, ऋज्वी थापा तृतीय र संयम खड्का र रूक्सन कुवर सान्त्वना भएका छन् । त्यसैगरी कक्षा २ बाट आरोन्स गुरूङ प्रथम, दिया थापा द्वितीय, सुप्रिया गुरूङले तृतीय र एन्जिला गुरूङ र स्पर्श बसौला सान्त्वना हुन सफल भएका छन् । उत्कृष्ट हुने विद्यार्थीहरुलार्ई बधाई दिदै विद्यालयका प्रिन्सिपल षष्टिकुमार श्रेष्ठले पुरस्कार वितरणे गर्नु भएको थियो । सानै उमेरदेखि विद्यार्थीहरूको बोल्ने कलालाई राम्रो बनाउन नेपाली विभागले यस्तो कार्यक्रमको आयोजना गरीएको कार्यक्रकका संयोजक शिक्षक भरत कुमार श्रेष्ठले बताउनु भयो ।