नीलकण्ठ जेष्ठ नागरीक संघ धादिङद्धारा मानव सेवा फाउण्डेशनलाई १५ हजार ५१० रुपैयाँ सहयोग

धादिङ,२५ साउन ।
नीलकण्ठ जेष्ठ नागरीक संघ नगर कार्यसमिति धादिङले पशुपति परिसरमा भएको कोटीहोम महायज्ञमा १५ हजार ५१० रुपैयाँ सहयोग गरेको छ । मानव सेवा फाउण्डेशन, नेपाल लगायत झण्डै एक दर्जन संघसंस्थाको आयोजनामा भइरहेको कोटिहोम महायज्ञमा १५ हजार ५१० रुपैयाँ सहयोग गरेको हो ।

बुधबार र बिहीबार नीलकण्ठ जेष्ठ नागरीक संघ नगर कार्यसमितिका अध्यक्ष अब्जनाथ सापकोटाको नेतृत्वमा कोटीहोम दर्शन भ्रमणको लागि गएको थियो। उक्त अवसरमा मानव सेवा फाउण्डेशन सहयोग गरिएको अध्यक्ष सापकोटाले बताउनुभयो ।

साथै मानव सेवा फाउन्डेसनका बाल योगेश्वर बिजय कृष्ण मुर्ती महाराजलाई संस्थाको तर्फबाट धादिङ जिल्लाको नक्सा भएको मायाको चिनो हस्तान्तरण गरिएको सापकोटाले बताउनुभयो । साउन १ गते देखि सुरु भएको महायज्ञ ३२ गतेसम्म सञ्चालन हुनेछ ।