वार एसोसियसन धादिङको अध्यक्षमा टंक कुमार श्रेष्ठ निर्वाचित

धादिङबेशी । धादिङ वार एसोसियसनको ३६ औँ बार्षिक साधारणसभा तथा १८ औँ अधिवेशन सम्पन्न भएको छ । अधिबेशनले अध्यक्षमा अधिवक्ता टंककुमार श्रेष्ठ चयन गरेको छ ।

सिद्धलेकमा भएको साधारणसभा तथा अधिबेशनले श्रेष्ठको अध्यक्षतामा ९ सदस्यीय नयाँ कार्यसमिति सर्वसम्मत रुपमा चयन गरेको हो ।
कार्यसमितिको उपाध्यक्षमा अधिवक्ता रामचन्द्र भट्ट, सचिवमा अधिवक्ता रामकृष्ण अधिकारी, कोषाध्यक्षमा अधिवक्ता खिल गिरि र सदस्यहरु अधिवक्ता विश्वराज अधिकारी, अधिवक्ता गोपि अर्याल, अधिवक्ता अम्बिका घिमिरे श्रेष्ठ, अधिवक्ता विनोदमान श्रेष्ठ र दिनेश दुवाडी चयन हुनुभएको छ ।

धादिङ वार एसोसियसनका निवर्तमान अध्यक्ष विश्वराज अधिकारीको अध्यक्षतामा भएको अधिवेशनमा सचिव अधिवक्ता रामचन्द्र भट्टले प्रगति प्रतिवेदन, कोषाध्यक्ष अधिवक्ता रामकृष्ण अधिकारीले आर्थिक प्रतिवेदन पेश गर्नुभएको थियो । सो प्रतिवेदनहरु सर्वसहमत पास गरिएको छ । हाल धादिङ वार एसोसियसनमा १९ जना सदस्य रहेका छन् ।